სულიერი მდელო - ციტატები, გამონათქვამები

როდესაც ხედავ სიმდიდრეს ანდა - დიდებას, ან - საერო ხელმწიფებას, იფიქრე იმაზე, რომ ისინი ხრწნადია და საცდურს თავს დააღწევ.

შუ შეგაწუხებს შური და ზრახვები, გაიხსენე, რომ ჩვენ ყველა ქრისტეს ნაწილები ვართ და როგორც პატივი, ისე უპატიობა ყველას ერთი გვაქვს, და ამ ფიქრებისგან გათავისუფლდები.

შური ამპარტავნების შვილია; მოუკალი დედა და შვილიც მოკვდება

ადამიანები თავიანთ საქმეებში დაყოვნებული მსაჯულნი არიან, სხვისაში კი - სწრაფნი.

ძალიან ხშირად ადამიანთა სამსჯავრო ჰგავს იმას, თითქოსდა სახლის პატრონი, რომელსაც საკუთარი ეზო ჭუჭყისგან არ გაუსუფთავებია, აყვედრის ადამიანებს, რომლებიც მასთან ტალახიანი ფეხებით შემოვიდნენ.

ჩვენ გვსურს სხვები სრულყოფილნი იყვნენ, საკუთარ ნაკლოვანებებს კი არ ვასწორებთ.

ჩვენ მიდრეკლინი ვართ ნაკლებმნიშვნელოვანი ნაკლოვანებების დანახვისკენ - მოყვასში, და - არა საკუთარი დიდი ნაკლოვანებების აღიარებისკენ (მათე 7, 3).

როგორ მიდრეკილნი ვართ ჩვენ მოყვასის ქმედებების განსასჯელად ჯერ კიდევ მანამდე, ვიდრე გამოვიკვლევთ მათ! ეს, რასაკვირველია, იმისგანაა, რომ ჩვენ თვითონ საკუთარ საქმეებში მეტნაკლებად შეგვაქვს არაწმიდა ზრახვები და მიზნები.

სუფთა სული ადვილად არ იჯერებს უსამართლო საქმეების შესაძლებლობას

ვისაც სუფთა გული აქვს, იგი ყველა ადამიანს სუფთად თვლის, ხოლო ვისი გულიც ვნებებითაა შერყვნილი, მას წმიდად არავინ მიაჩნია და ფიქრობს, რომ ყველა მისი მსგავსია.