არქიმანდრიტი გაბრიელი (ურგებაძე) - ციტატები, გამონათქვამები

იღუმენიობა მარტო ხარისხი კი არ არის, დასამდაბლებელიცაა. ზოგს საცხოვნებლად მიეცემა, ზოგსაც წარსაწყმენდელად. თუ იღუმენია სიმდაბლისაკენ მიდის - საცხოვნებელია

მიწიერი ადამიანის გაღმერთება არ შეიძლება

უმართებულო ბრძანების გამცემი უფრო სცოდავს, ვიდრე შემსრულებელი

რასაც კეთილი საქმისათვის გასცემ, ღმერთი ასწილ მოგიზღავს

ჩვენ კი არ გავიღეთ მოწყალება, ღმერთმა მოიღო ჩვენზე და სიკეთე გაგვაკეთებინა. ასეთი საქმე ღმერთის წყალობა და კურთხევა არის

მხილება აუცილებელია, განკითხვა სხვა რამ არის. როგორ შეიძლება ცუდ საქციელზე თვალი დახუჭო, იღუმენიამ უნდა მიუთითოს, მათ უნდა შეასრულონ! თუ არ შეასრულებენ, უფალი თვითონ მოჰკითხავს

დაღაცათუ იხილო კაცის მკვლელი, გინა მეძავი, გინა ლოთი მიწაზე ეგდოს, ნურავის განიკითხავ დაბადებულსა ღვთისასა, რამეთუ, მათი სადავეები ღმერთს მიშვებული აქვს, შენი სადავეები ხელში უჭირავს, რომ მიგიშვას უარეს დღეში ჩავარდები და დაიღუპებ... იხილეთ სრულად

როდესაც განიკითხავ სხვას, ესეიგი ღმერთს განიკითხავ. თუ კაცმა შესცოდა და განიკითხე, მერე რომ მოინანია და ღმერთმა მიუტევა, შენ დაინახე?

შენ თუ განიკითხავ, მოსამართლე ღმერთია, განმკითხავი ჰგავს ცარიელ პურის თავთავს, რომელიც ყოველთვის თავაწეულია და ამის გამო სხვებს ზემოდან უყურებს

მძიმე ჯვარს ატარებს კათოლიკოს-პატრიარქი, ვინც მას განიკითხავს, თავზე აგუზგუზებულ ნაკვერჩხლებს დაიყრის