სულიერი მდელო - ციტატები, გამონათქვამები

დაე, ყველამ შეასრულოს თავისი დანიშნულება: მაშინ ყველას მაღალი დანიშნულება ექნება - საკუთარი თავისთვის და სხვებისთვის, და მთლიანობაში - შესანიშნავი წესრიგი.

დიდებულებს მცირეთა გარეშე, ისევე როგორც მცირეებს დიდებულთა გარეშე არსებობა არ შეუძლიათ.

ქრისტეში ყველანი ერთნი არიან: ერთი მეორეზე მეტი არ არის, და მეორე - მესამეზე

ბატონებსა და მონებს - ერთი უფალი ჰყავთ ზეცაში

ისრაელის მოგზაურობა არაბეთის უდაბნოში ჩვენს მიწიერ ცხოვრებას ჰგავს. ვიდრე ზეციურ ქანაანს მივაღწევდეთ, მანამდე მრავალი უბედურებისა და მწუხარების დათმენა მოგვიწევს.

როგორც მიწაზე მცხოვრებისთვის შეუძლებელია, თავი აარიდოს ამ ჰაერს, ასევე, ამ სამყაროში მცხოვრები ადამიანი ვერ იქნება მწუხარებისა და განსაცდელის გარეშე

როგორც ზღვაში ტალღას ტალღა მოსდევს, ასევე ცხოვრებაშიც, უბედურებას უბედურება მოსდევს, წყენას - წყენა, განსაცდელს - განსაცდელი.

მართალია, ჩვენი აზრით მრავალნი კეთილდღეობაში ცხოვრობენ, მაგრამ მაინც არ არსებობს ისეთი კეთილდღეობა, რომელსაც ავი დღეების სიმწარე არ ახლდეს.

შესანიშნავ სამყოფელებში ისევე ტირიან, როგორც ქოხში, ხშირად კი ოქროდანაც მოედინება ცრემლები.

ზოგჯერ გარეშე მაყურებლის თვალში ძალზე ბედნიერი ადამიანები, სინამდვილეში ყველაზე უბედურები არიან.