ღმერთი - ციტატები, გამონათქვამები

როგორც სულს გაყრილი სხეული კვდება, ასევე სული კვდება ღმერთთან ერთობის გარეშე

სხეულს სიცოცხლეს სული ანიჭებს, სულს კი - ღმერთი. შესაბამისად, ჭეშმარიტად ცოცხლობს მხოლოდ ის სული, რომელშიც მადლის მეშვეობით სულიერად უფალი დაივანებს

ჩვენი სული ღვთისგანაა და მხოლოდ ღმერთში შეუძლია, ჰპოვოს მან დამშვიდება და ნეტარება

ღმერთი არის ჩვენი ცენტრი, და მის გარეშე ნაკლებად მშვიდად ვართ, როგორც თევზი - წყლის გარეშე, როგორც სხეულიდან ამოგლეჯილი ნაწილი თავისი ადგილის გარეშე.

საკვების არსებობის ყველაზე მარტივი მტკიცებულება ყველა ცოცხალ არსებაში შიმშილის გრძნობაა: ასევე ყველაზე ძლიერი მტკიცებულება ღვთის არსებობისა არის ყველა კეთილი გულის მისწრაფება ღვთისადმი

ნუ ეცდები ღვთის ღრმად გამოკვლევას, უფრო მეტად ეცადე, მიემსგავსო მას

ჩვენ უნდა გვიხაროდეს, რომ ღმერთი მიუწვდომელია, ვინაიდან მისი შემეცნება მარადიულად გაგრძელდება. გონებას რომ შეემეცნებინა ღმერთი, მაშინ ის უმოქმედოდ დარჩებოდა, ეს კი მისთვის - სატანჯველია

არ არსებობს სახელი, რომელიც სრულყოფილად გამოხატავს უფალს: ასევე შეუძლებელია, სრულყოფილად ჩავწვდეთ მას

ღვთის შესახებ სიტყვა რაც უფრო სრულყოფილია, მით უფრო მიუწვდომელია იგი

თუკი ის, რომ ღმერთი არსებობს, რწმენით მიიღება (ებრ. 11, 6) და გონებით ვერ ჩავწვდებით, განა გონებით შეიძლება ჩავწვდეთ იმას, თუ რა არის იგი?