ვერცხლისმოყვარება, მომხვეჭელობა, სიხარბე - ციტატები, გამონათქვამები

შევისვენოთ ცოტაოდენი ცრუსაქმეთაგან, და დავფიქრდეთ, სად მიგვიყვანს ხრწნადზე ზრუნვა? რისთვის ვაგროვებთ ჩვენი ხელით იმას, რაც ნაყოფს არ მოგვიტანს? ჰოი, მხოლოდ უნაყოფო რომ ყოფილიყო და არა მარადიული ცეცხლისთვის საკვების მომცემი! ოდესმე... იხილეთ სრულად

რა სიმდიდრესაც არ უნდა ფლობდეს ადამიანი, მუდმივად ჩაესმის ეს მწუხარე ხმა: რამდენ ხანს გასტანს ეს ყოველი?

ვერცხლისმოყვარეობამ მთელი სამყარო ააღელვა, ყოველივე აღაშფოთა; ის ჩვენ განგვაშორებს ქრისტეს უნეტარეს მსახურებას; "ვერ ხელ–ეწიფების ღმრთისა მონებად და მამონაისა." (მათე 6,24); რამეთუ ქრისტე სრულიად საწინააღმდეგოს ითხოვს, ვიდრ... იხილეთ სრულად

მაცხოვრის სწავლება უხვეჭელობის შესახებ (მათე 6, 19) ეხება არა მხოლოდ მდიდრებს, არამედ ღარიბებსაც, რადგან ღარიბიც ასევე შეიძლება მიეჯაჭვოს გულით ერთ გროშს, როგორც მდიდარი – ათასებს.

იობს იოტისოდენა ვერცხლისმოყვარეობაც კი არ ჰქონდა და სწორედ ამიტომ შეხვდა უდრტვინველად ყოველივეს დაკარგვას.

ვინც იგემა ზესთასოფლის სიკეთენი, ადვილად თმობს ამქვეყნიურს, ხოლო ვისაც ეს პირველი არ განუცდია, ხარობს ამ უკანასკნელთა მოხვეჭით.

როგორც ზღვას არ დატოვებს ტალღები, ისე ვერცხლისმოყვარეს – მრისხანება და წუხილი.

მხოლოდ ის არაა ვერცხლისმოყვარე, ვისაც ბევრი აქვს და არ უწილადებს ღარიბებს; არამედ ისიც, ვისაც თუმცა კი არ აქვს ზედმეტი, მაგრამ ხარბად ნატრობს მას და მუდმივად ამაზე ფიქრობს.

საშინელი ვნებაა მომხვეჭელობა, ყველაფრის ხელში ჩაგდებას ლამობს და ვერაფრით კმაყოფილდება, სულს, რომელსაც დაეუფლება, ბოროტების უფსკრულში გადაჩეხს. ამიტომ დასაწყისშივე განვაგდოთ ეს ვნება. თუ გაძლიერდა, მისი დამარცხება შეუძლებელი გახდე... იხილეთ სრულად

ვერცხლისმოყვარენი ჭეშმარიტად ყველაზე უბედური ადამიანები არიან როგორც ამქვეყნიურ, ისე მომავალ ცხოვრებაში. აქ ისინი განუწყვეტელ ზრუნვაში, შრომასა და მღელვარებაში არიან, იქ კი მარადიულად უნდა იტანჯონ.