ამაოდმეტყველება, უქმადმეტყველება - ციტატები, გამონათქვამები
ამაოდმეტყველება, უქმადმეტყველება - ციტატები, გამონათქვამები ამაოდმეტყველება, უქმადმეტყველება
185. თანაბრად აბნელებს სულს როგორც გულისზრახვათა აზრისმიერი გაზრახებანი (ე.ი. შინაგანი საუბრები), ასევე გარეგანი შეხვედრები და ფუჭმეტყველებანი, ხოლო ისინი, რომლებიც უკუმიაქცევენ საზიანოს გონებისას, ვალდებულნი არიან მოიძაგონ ფუჭმეტყველების მოყვარული ადამიანებიც და გულისზრახვებიც, ორივენი ერთად, უაღრესად კეთილგონივრული და საღვთო მიზეზის გამო; რათა არ მოხდეს ისე, რომ დაბნელდეს გონება და მოუძლურდეს მღვიძარებაში, ვინაიდან ჩვენ, დავიწყებისგან (ღვთის დავიწყებისგან) დაბნელებულნი, გონებას წარვიწყმედთ.
195. საქმის გარეშე მესიბრძნე და ენამჭევრი მდიდარია უსამართლობით და "მისი შრომანი", თანახმად წერილისა, "უცხო სახლებში შედის" (იგავ. 5.10), (ე.ი. მას არ ხმარდება).
153. თუ ვინმე ფუჭადმეტყველ ადამიანებში მოხვდება, თავისი თავი ჩათვალოს დამნაშავედ ამგვარ ფუჭსიტყვაობათა გამო თუმცა, შესაძლოა, არა ამჟამინდელი, არამედ ძველი ვალებიდან გამომდინარე (იგულისხმება, რომ ეს ადამიანი ძველად თვითონაც ამგვარი ადამიანი იყო და ბოლომდე ვერ აღმოფხვრა თავის თავში ფუჭსიტყვაობის, ამაოდმეტყველების ადრინდელი საცთური).
ვინც ენასა და მუცელს სძლია, ის უკვე სწორ გზაზე დგას
თემა: ამაოდმეტყველება, უქმადმეტყველებაავტორი: არქიმანდრიტი გაბრიელი (ურგებაძე)
წყარო: ბერის დიადემა
ამოა, რომე კაცი კაცს ამოსა ეუბნებოდეს!
108. ვინც განუსჯელად ლაპარაკობს, გონება არა აქვს მას, რადგან მეტყველებს ფიქრის გარეშე. მაგრამ განჭვრიტე, რისი ქმნა გარგებს, რომ სული აცხოვნო.
84. ერიდე მრავალთა წინაშე კეთილმსახურებისა და კარგი ცხოვრების შესახებ სიტყვების თქმას. არა იმიტომ, რომ მშურს მათთვის, არამედ იმიტომ, რომ ამ უგუნურთა წინაშე, ვფიქრობ, სასაცილო გამოჩნდები, რადგან "მსგავსი მსგავსით ხარობს" (ცნობილი პლატონურ-ნეოპლატონური დებულება იმის შესახებ, რომ "მსგავსი მსგავსით შეიცნობა" და რომ "მსგავსი მსგავსისკენ ისწრაფვის", ზემორე შეგონებაში ამგვარადაა პერიფრაზირებული: "მსგავსი მსგავსით იხარებს". ესაა ღრმა სულიერი სიხარულის გამომხატველი უაღრესად შთამბეჭდავი შეგონება, რაც სამწუხაროდ რუსულ თარგმანში შენარჩუნებული არ არის), ამგვარ სიტყვებს კი მსმენელები ცოტა ჰყავს, _ ალბათ ძალიან იშვიათნი; ამიტომაც, უმჯობესია, არ ისაუბრო, რადგან ეს არ იქნება ის, რაც ნებავს ღმერთს ადამიანთა საცხონებლად.
ყველასათვის ლოცვა ღმერთს მუდამ ესმის, მაშინ, როცა უქმი მეტყველებისაგან მუდამ პირს მიიქცევს, თუნდაც სულიერი გვეჩვენებოდეს იგი. რადგან, მამათა მიხედვით, უქმი მეტყველება, უმთავრესად, დროის გატარებაა ლაპარაკში, როცა საკუთარ სიტყვებს საქმით არ აღასრულებ
თემა: ამაოდმეტყველება, უქმადმეტყველებაავტორი: იოსებ ათონელი (ისიხასტი)
წყარო: მონაზვნური გამოცდილების გადმოცემა
როდესაც ერისკაცთა შორის ყოფნა გიხდება, სულიერ საკითხებზე ლაპარაკს ერიდე, მით უმეტეს, თუ მათ, მოსმენის ვერავითარ სურვილს ვერ ატყობ. თუკი საღმრთო საგნების შეცნობით თვითონაც განღმრთობას მიაღწიე, გულის სიღრმეში დაფარე წმ. საიდუმლო უმეცართაგან. სახარება გვასწავლის, რომ არ არის სწორი სულიერი მარგალიტის - წმინდა, ნათლით მოსილი, ძვირფასი სამკაულის - ღორების წინაშე დაყრა: "ნუ მისცემთ სიწმიდესა ძაღლთა, ნუცა დაუფენთ მარგალიტსა თქვენსა წინაშე ღორთა, ნუუკუე დათრგუნონ იგი ფერხითა მათითა და მოიქცენ და განგხეთქნენ თქუენ" (მთ. 7,6). ყოველი ღონე იხმარე, რომ დაფარო ღმერთისგან ბოძებული ნიჭი, თორემ დაკარგავ მას და ვეღარსად ჰპოვებ
თემა: ამაოდმეტყველება, უქმადმეტყველებაავტორი: წმ. სერაფიმე საროველი
წყარო: სწავლანი - ღირსი სერაფიმე საროველი
როგორც მეორედ მოსვლის საყვირი აღადგენს მკვდრებს, იმგვარადვე აფხიზლებს უმაქნისს ამაოდმეტყველება.