სიწმინდე, უბიწოება, უმანკოება - ციტატები, გამონათქვამები

ტკივილი სულს კურნავს და განწმენდს

ქრისტიანთა სნეულება, მწუხარება და ტანჯვა სულის განწმენდასა და ცოდვების მიტევებას ემსახურება.

ღმერთი ჩვენს სასარგებლოდ გვწვრთნის, რომ მის სიწმინდეს ვეზიაროთ. უფალი თავის მოყვარულ ერთგულ მონებს სხვადასხვაგვარი მწუხარებით საუკუნო დიდებას უმზადებს.

განსაცდელის გარდა სხვა მაცხონებელი გზა არ არსებობს

ბუნებას, როგორც ავადმყოფს, მწარე წამლები არ მოსწონს

ღმერთის სიყვარული მწუხარებაში წრთობით ვლინდება

რომელი ადამიანი ცხონებულა სხვადასხვა სიმწრის სახმილის გაუვლელად?

შვილო, ყველაფერი მოითმინე, მწუხარებით განიწმინდე. მადლობა შესწირე ღმერთს, რომ ხანმოკლე დროით განგსწავლის, რათა საუკუნოდ განგისვენოს!

როცა არსებობს სულიერი ცოდნა და ადამიანი მწუხარებას ითმენს, ის მის განწმენდას უწყობს ხელს.

სიყვარული ხორციელ მშობლებს საკუთარი შვილების აღზრდის აუცილებელ მოვალეობას აკისრებს. ღმერთი კი ჩვენი მამაა და საკუთარ შვილებს განგვსწავლის, რომ განგვანათლოს და თავის სიწმინდეს გვაზიაროს.