სულიერი მდელო - ციტატები, გამონათქვამები

ის კი არ არის ჭეშმარიტად გულმოწყალე, რომელიც მოჭარბებულიდან აძლევს, არამედ ის, ვინც საჭიროსაც მოიკლებს ღატაკებისათვის.

ღატაკებს შეუძლიათ, სხვა ღატაკებისათვის ითხოვონ, გაუნაწილონ მათ თავიანთი პური, იშრომონ მათთვის, დაეხმარონ ავადმყოფობის, გასაჭირის, დევნის ჟამს.

შენი შესაძლებლობებისა და მდგომარეობის შესაბამისად მოწყალე იყავი; ღატაკსაც შეუძლია, ღატაკს დაეხმაროს. ქველმოქმედების საშუალებები და ხერხები ამოუწურავია.

სიხარულით გაცემა მეტს ნიშნავს, ვიდრე - ბევრის გაცემა

თუ პურს მწუხარე გულით აძლევ, პურსაც დაკარგავ და ჯილდოსაც

მხოლოდ ის მოწყალებაა ჭეშმარიტი, რომელიც სიხარულით გაიცემა

თუ შენ არ შეგიძლია, ძმას დაეხმარო, უფალს სთხოვე მისი შეწევნა

მოწყალება ის კი არ არის, რომ მხოლოდ ფული მისცე, არამედ ის, რომ ქრისტიანული გულმოწყალებით მისცე.

გულითადი დამოკიდებულების გარეშე აღსრულებული მოწყალების საქმე იგივეა, რაც - სხეული სულის გარეშე.

როცა გაჭირვებულს რაიმეს აძლევ, შენი სახის მხიაული გამომეტყველება უნდა უსწრებდეს შენს მიერ მიცემულს, მისი მწუხარება კი კეთილი სიტყვებით ანუგეშე.