სულიერი მდელო - ციტატები, გამონათქვამები

კეთილზნეობრივი ადამიანი უკვე საზოგადოებაში ცხოვრებით მოუტანს მას სარგებლობას.

რატომ განიცდიან კარგი ადამიანები ისეთ მძიმე მდგომარეობას, როგორიცაა დევნა, სიღატაკე? იმიტომ, რომ სხვა ადამიანებმა მათგან ტანჯვა ისწავლონ. კეთილი ადამიანები იმისათვის არიან შექმნილნი, რათა მაგალითნი იყვნენ.

კეთილი მაგალითი თითქოსდა ნიმუშია, რომელსაც სხვებიც გადაიღებენ

მაგალითი ადამიანებისა, რომლებიც ღვთისადმი ცეცხლოვანი სიყვარულით არიან ანთებულნი, ჩვენს გულსაც კვებავს ქრისტიანული სათნოებით. განცალკევებით დადებული ნახშირი, მართალია, სიცხოველეს შეიცავს, მაგრამ ნელ-ნელა ქრება და ცივდება.

ახლა არაწმიდა სულს არ სურს ურთიერთობა ღვთისმოსავ ადამიანებთან: მოვა დრო, როდესაც იგი ძალიან მოინდომებს ამას, მაგრამ უკვე გვიან იქნება (სიბრძნე 5, 3).

განეშორე შავ გულს, როგორც ნახშირს, როდესაც იგი ცხელია, წვავს, მინავლული კი ხელებს გისვრის.

ბოროტი და ცბიერი ადამიანი ჰგავს ნახშირს, რომელიც თუ არ დაწვავს, გასვრის მაინც.

თუ მკვდარი ანთებული ნახშირის მიახლოვებით სხვა ასევ მკვდარი და ცივი ნახშირი აენთება, მითუმეტეს, ცოცხალი რწმენითა და ლოცვით გამოცოცხლებულ გულს ძალუძს, იგივე ცეცხლის ანთება სხვა, თვით სრულიად ცივ, ნახევრადმკვდარ გულშიც კი.

დაუახლოვდი მართალთ, და მათი საშუალებით ღმერთს მიუახლოვდები

უმჯობესია ცხოველებთან ცხოვრება, ვიდრე ბოროტ ადამიანებთან