სულიერი მდელო - ციტატები, გამონათქვამები

არაფერია იმაზე ადვილი, ვიდრე - რაიმე ცუდის გადაღება. ხდება ისიც, რომ ჩვენ არ შეგვიძლია მივბაძოთ ვინმეს დიდ სათნოებას, მაგრამ ძალიან ადვულად შეგვიძლია, შევითვისოთ მისი ნაკლოვანებები.

როგორც ერთი წვეთი საფუარი ამოიყვანს მთელ გობ აფუებულ ცომს, ასევე ერთ ადამიანში მყოფი მომაკვდინებელი ცოდვა გადაედება მრავალს, რის გამოც ისე ხდება, რომ ერთი არაწმიდა მოხერხებულად გადააცდენს ხოლმე ჭეშმარიტების გზიდან მრავალ სათნო ადა... იხილეთ სრულად

ადამიანების უძლურება იქამდე მივიდა, რომ კეთილი ადამიანი ბოროტთა საზოგადოებაში შესვლისას თვითონაც ბოროტი ხდება, მაშინ, როდესაც ბოროტები იშვიათად ხდებიან კეთილნი.

უფრო ადვილია ნაკლის გადმოღება, ვიდრე - სათნოების გადაცემა, რადგან უფრო ადვილად დაავადდები სნეულებით, ვიდრე - სხვას გადასცემ შენს ჯანმრთელობას

ავადმყოფობა ყოველთვის უფრო ადვილად გაცხადდება, ვიდრე - ჯანმრთელობა; ასევეა ზნეობასთან მიმართებაშიც. ავადმყოფობანი ხშირად ეპიდემიურნი ხდებიან, ჯანმრთელობა კი არასოდეს.

ღუმელი ცეცხლის გარეშე ვერ გაცხელდება; ასევე ღვთისგან გაუცხოებულ ადამიანს, რომელსაც გულში ღმერთი არ ჰყავს, მოყვასი ვერ ეყვარება.

ვისაც გულწრფელად უყვარს ღერთი, მას არ შეუძლია, მოყვასი არ უყვარდეს

თუ ღმერთი გიყვარს, ისიც უნდა გიყვარდეს, ვინც ღმერთს უყვარს, რადგან უფალს ყველა ჩვენთაგანის მიმართ მამობრივი გული აქვს.

წმიდანები იყვნენ როგორც ღვთისმოყვარენი, ასევე - ყველა ადამიანზე მეტად კაცთმოყვარენი.

შეიყვარე ერთარსება ღმერთი და უფლის ყველა შვილი შეგიყვარდება