წმ. ნილოს სინელი - ციტატები, გამონათქვამები
წმ. ნილოს სინელი - ციტატები, გამონათქვამები წმ. ნილოს სინელი | გამონათქვამები, ციტატები
114. ექმენ მპყრობელ მცნებათა ამათ, რაითა წარმოგადგინონ შენ წარჩინებულად წინაშე კაცთა, და სათნოდ ღმრთისა; რამეთუ ესრეთ მოიმადლების ღმერთი
113. დაიცვენ სწავლანი ესე, რაითა გვირგვინი დიდებისაი მოგატყუონ შენ
112. ნუ ეცინი დაცემასა ზედა სხვისასა, რაითა არა საცინელ იქმნე მათდა, რომელთაგან არა გნებავს
111. ებაძვე განკრძალულსა ცხორებასა, რაითა კადნიერებაი გაქუნდეს მოქცევად მცოდველთა. ნუვის ჰრისხავ ცუდად, რაითა არა დაისაჯო, ვითარცა მაღალცნობაი
110. ყოვლითა კრძალულებითა იხსენებდ თქუმულთა ამათ, რაითა ცხორებაი შენი ბრწყინვალედ გამოაჩინონ
109. ნუ უგულებელს-ჰყოფ ცხორებასა შენსა, ნუცარას იქმ უკრძალველად გარეგან შჯულისა, რაითა არა მიემთხვიო უსჯულოთავე წარსაწყმედელსა
108. რაჟამს ეკლესიას იყო, ნუ განსცხრები, რამეთუ წინაშე მეფისა მდგომნი არცა იცინიან, არცა განსცხრებიან
107. ნუ ჰკდემ კაცსა, და ბიწი არა გაქუნდეს ყოველსა შინა ცხორებასა შენსა
106. გიყუარდინ სიმდაბლე, დაღათუ დიდ იყო, რაითა აჰმაღლდე დღესა მას სასჯელისასა
105. ევლტოდე ამპარტავანებასა, ჰოი კაცო, დაღათუ მდიდარ იყო, ნუსადა წინაგანმწყობად შენდა გაქუნდეს ღმერთი