image
image
11
12
13
Loading..
image

თემა: გარეგნობა

930. როგორ შეიძლება რომ გადავეჩვიოთ უკეთურ ჩვევას – კოსმეტიკის გამოყენებას?1) უნდა გვახსოვდეს სიკვდილი და ისიც, რომ ფერ–უმარილით შეღებილი სახე ოდესმე მატლების საკვები შეიქნება და ხრწნადობას მიეცემა;
2) თქვენ მოგიხდებათ პასუხისგება ღვთის წინაშე იმათ გამო, ვინც დაგიბრკოლებიათ თქვენივე შეღებილ სახეთა ცქერით და რაც უფრო მეტია დაბრკოლებულ ადამიანთა რიცხვი, მით უფრო მეტად დიდი სასჯელი გელოდებათ, რადგანაც მაცხოვრის სიტყვისამებრ: „ვაი მის კაცისა, რომლისაგან მოვიდეს საცთური“ (მათ. 18.7).
link
image

თემა: სამოქალახო ხელისუფლება,  სასულიერო ხელისუფლება

364. რა უნდა იყოს საბოლოო მიზანი სამოქალაქო და სასულიერო ხელისუფლებისა?ვხედავთ, რომ ქრისტიანულ საზოგადოებაში ორგვარი ხელისუფლებაა, სამოქალაქო და სასულიერო; სამოქალაქო ხელისუფლება განაგებს გარეგან საქმეებს, სასულიერო ხელისუფლება კი თვალყურს ადევნებს იმას, რაც შეეხება შინაგან სულიერ მდგომარეობას. სამოქალაქო – მართავს სამოქალაქო კანონებით, სასულიერო – ღვთის სიტყვით და არაკეთილგონიერად მცხოვრებთ ქრისტიანული საზოგადოებიდან დროებით განყენებით ათვინიერებს; ორთავ ხელისუფლების, სამოქალაქოსა და სასულიეროს, საბოლოო მიზანი სხვა არა უნდა იყოს რა, თუ არა თავის ქვეშევრდომთა კეთილდღეობა და ღვთის სახელის დიდება.
link
image

თემა: განსაცდელები

969. დღეს ხშირია ამგვარი გამოთქმები – ესა და ეს ადამიანი მაბრკოლებს. როგორც შეიძლება, რომ დავაღწიოთ თავი დაბრკოლებებს?1) ნუ უყურებთ სხვა ადამიანებს, რასაც არ უნდა სჩადიოდნენ, ან როგორებიც არ უნდა იყვნენ ისინი. არამედ ღვთის სიტყვას მიაპყარით სმენა;
2) იფიქრეთ და მიჰბაძეთ მაცხოვრის წმინდა ცხოვრებას; იგი გვასწავლის, თუ როგორ უნდა ვიცხოვროთ, რათა სათნო ვეყოთ მას;
3) სმენა და მზერა მოარიდეთ მავნე საგნებს, რადგანაც მათი მეშვეობით ყოველგვარი ბოროტება შემოდის ჩვენს გულში.
4) უფრო მეტი დრო დაჰყავით შინ, განმარტოებაში, რადგანაც მარტო ყოფნით არანაირი საცდური არ შგხვდებათ.
5) ხშირად ილოცეთ, გულშემუსრვილნი ევედრეთ ღმერთს, საცდურისაგან რომ განგარიდოთ: „მოაქციენ თვალნი ჩემნი რათა არა იხილონ ამაოება და გზასა შენსა მაცხოვნე მე.“ (ფსალმ. 118,37).
link
image
image
11
12
13