ხორციელი მღვიძარება - ციტატები, გამონათქვამები

ვიდრე ამისგან არ გავთავისუფლდებით, ძმებთას ერთად ლოცვას ნუ მივატოვებთ, რადგან ხშირად სირცხვილის გამო მაინც არ მივცემთ თავს ძილის ნებას.

ვაჭრობის ბოლოს ითვლის ვაჭარი მოგებას, ხოლო გულმოდგინე და მღვიძარე მონაზონი კანონის აღსრულების შემდეგ დაითვლის მისგან მიღებულ სარგებელს.

ჭარბი ძილი გულმავიწყობას იწვევს, მღვიძარება კი გონებას წმენდს. ჭარბი ძილი ბოროტი მეუღლეა, რადგან ზარმაცებს მათი ცხოვრების ნახევარს სტაცებს.

მღვიძარება არის ყოველი სათნოებისა და ყოველი მცნების საქმით შესრულება. ესაა გონების დაცვა - კეთილგონიერება, სამართლიანობა, ზომიერება და სიმამაცე

45. დაიუძლურე სხეული მარხვითა და მღვიძარებით, დაუზარებლად ივარჯიშე ფსამუნებასა და ლოცვაში, მაშინ უბიწოების ნათელი გარდამოვა შენზე და სიყვარულს მოგიტანს.

ქრისტიანმა შეძლებისდაგვარად უნდა შეზღუდოს თავისი საჭიროებები; სიფხიზლე და ზომიერება - ყველაზე საუკეთესო მარაგია, რომელიც ზეცისაკენ სავალ გზაზე შეგიძლია, თან გაიყოლო

ლოცვა მღვიძარების სათნოებასთან ერთად სულს ასაზრდოებს – მით უმეტეს თუ მლოცველი ამავე დროს სულიერად მღვიძარებს, უსაფრთხოებას ანიჭებს მას, როგორსაც ჩვილი მშობლის ხელებზე განიცდის.

იქმოდე საქმესა დაუშრომელსა, და უწყოდე, ვითარმედ ძილითა გვირგვინი ვერ მოიგების, რამეთუ მღვიძარენი და მშრომელნი და მლოცველნი გვირგვინოსან იქმნებიან, და არავინ უშრომელად კეთილსა მიემთხუევის კაცთაგანი

ძილის მტანჯველი სული ცბიერი მეგობარია, რადგან ჭამა - სმის დროს ტაბლასთან გვიზიდავს, ხოლო მარხვისა და ლოცვისას ძლიერად გვებრძვის. ლოცვის დროს იგი ხელსაქმეს გაახსენებს, რომ ძილი მისი საშუალებით გააფრთხოს

მღვიძარება მრისხანებას მუსრავს და სიზმართაგან ათავისუფლებს, ის მოიტანს ცრემლს, დაამდაბლებს გულს, დაიცავს გრძნობებს, საჭმელს მოანელებინებს, შემუსრავს უკეთურ სულებს, ენას ალაგმავს, და განდევნის ოცნებას.