სულიერი მდელო - ციტატები, გამონათქვამები

თუ სოკრატე ცხოვრობდა და მოკვდა როგორც ბრძენი, იესო ქრისტე ცხოვრობდა და მოკვდა, როგორც ღმერთი.

თემა: უფალი იესო ქრისტე
ავტორი: ჟან ჟაკ რუსო
წყარო: სულიერი მდელო

თუ ძე ღვთისა ხარ, ეუბნებოდნენ იესო ქრისტეს იუდეველები, მაშინ ჩამოდი ჯვრიდან და გიწამებთ (მთ. 27, 40-42). სწორედ იმიტომ არ ჩამოვიდა, რომ ძე ღვთისაა. მან იწინასწარმეტყველა, რომ უნდა მოკვდეს ჯვარზე და ის კვდება. მართლაც ადამიანისთვის რაღაც განსაკუთრებული რამ იქნებოდა - ჩამოსულიყო ჯვრიდან და თავი გადაერჩინა: მაგრამ მხოლოდ ღვთისთვის არის ღირსეული და მხოლოდ მისთვის არის შესაძლებელი იზეიმოს ჯვარზე, ჯვრიდან მოიზიდოს მთელი სამყარო, დარჩეს ცოცხალი სიკვდილის შემდეგაც და სწორედ სიკვდილის მეშვეობით აჩუქოს ქვეყანას სიცოცხლე.

თემა: უფალი იესო ქრისტე,  ჯვარი
წყარო: სულიერი მდელო

გსურს, ყოველდღე სასწაულს ხედავდე? - ყოველდღე იფიქრე ქრისტეს განხორციელებასა და ვნებებზე.

თემა: სასწაულები,  უფალი იესო ქრისტე
ავტორი: წმ. ტიხონ ზადონელი
წყარო: სულიერი მდელო

რაოდენ მოკლედმჭვრეტელია ადამიანური გონება მიუხედავად ვნებების მზაკვრობისა და ცბიერებისა! ადამიანებს ეგონათ, რომ ქრისტე ღმერთს სასიკვდილოდ რომ წირავდნენ, ამით მხოლოდ იმას აკეთებდნენ, რაც მათ სურდა. სინამდვილეში აღმოჩნდა, რომ თავად ვნებები აღასრულებდნენ იმას, რაც სურდა ზეციურ სიყვარულს, ძე ღვთისას სიყვარულს.

თემა: უფალი იესო ქრისტე
წყარო: სულიერი მდელო

ღმერთი გახდა კაცი, რათა მსხვერპლი გამხდარიყო, და გახდა მსხვერპლი, რათა მაცხოვარი გამხდარიყო.

თემა: უფალი იესო ქრისტე,  ღვთის განკაცება
წყარო: სულიერი მდელო

ქრისტე მოკვდა იმისათვის, რომ ჩვენში ცოდვა მომკვდარიყო

თემა: უფალი იესო ქრისტე,  ცოდვა
წყარო: სულიერი მდელო

როდესაც ქარიშხალი არყევს ჩვენი სულის ხომალდს, მაშინ გავაღვიძოთ ქრისტე ლოცვით და მშვიდობა დაისადგურებს ჩვენს სულში (ლკ. 8, 23-24).

თემა: ლოცვა,  უფალი იესო ქრისტე
წყარო: სულიერი მდელო

ადამის ძეთა ბუნება მიისწრაფის ამაღლდეს გრძნობადიდან სულიერამდე, მსგავსად იმისა, ზოგჯერ თევზი წყლიდან რომ ზეცას მიელტვის: მაგრამ როგორც ადვილად და სწრაფად ვარდება თევზი წყალში, ასევე სწრაფად ვეფლობით გრძნობადში. მხოლოდ ქრისტეს მადლმოსილი ძალით შეუძლია გადაჭრით აამაღლოს, განაახლოს, ხელახლა შობოს და მისცეს მას მარადიული სულიერი მიმართულება

თემა: ადამი და ევა,  უფალი იესო ქრისტე
წყარო: სულიერი მდელო

სასწრაფოდ მოკვდი ცოდვისათვის, ყოველგვარი გადავადებისა და განსჯის გარეშე; სხვაგვარად დაკარგავ ქრისტეს, მასთან ერთად კი - ყველაფერს!

თემა: უფალი იესო ქრისტე,  ცოდვა
წყარო: სულიერი მდელო

ჩვენ ქრისტეს ჯვარს ვუცქერთ და ვკითხულობთ მის ვნებებს, თავად კი ერთი წყენაც ვერ აგვიტანია.

თემა: უფალი იესო ქრისტე,  წყენა,  ჯვარი
ავტორი: ძველი პატერიკი
წყარო: სულიერი მდელო