ღმერთი და ადამიანები - ციტატები, ამონარიდები
ღმერთი მხოლოდ მათთან სუფევს, ვისაც გული აქვს შემუსვრილი და სული დამდაბლებული. მხოლოდ მას გამოუცხადებს სამყაროს საიდუმლოებასა და წმინდა წერილის სულიერ სიღრმეებს, ამისთვის ამქვეყნიურ მოვლინებებსა და კატეგორიებს იყენებს.
სახარება ძალაა, ძალა მაცხოვნებელი, სიხარულის მომნიჭებელი, მასაზრდოებელი, დამარწყულებელი, მკვდრეთით აღმადგინებელი.
ღმერთმა ადამიანი არა დასაღუპავად, ცხონებისათვის შექმნა. არსებობს კი ისეთი მებაღე, ვისაც უნდა, რომ მისმა ნერგმა არ გაიხაროს და ნაყოფი არ გამოიღოს? უფლის ნებაა, რომ ყველა ადამიანმა შეინანოს და ბოროტს გაემიჯნოს.
ადამიანს ოცნებებით უფრო უდგას სული, ვიდრე სინამდვილით. მომავალზე მეოცნებე აწმყოს ივიწყებს. მთელი ცხოვრება შორეულ სივრცეს დაჟინებით გასცქერის, ახლომახლო კი ვერაფერს ამჩნევს. რასაც გულით და გონებით ჭვრეტს იმით უფრო სულდგმულობს, ვიდრ... იხილეთ სრულად
დღეს ახალგაზრდამ რომ მკითხოს, როგორ უნდა ცხონდეს, მე ვურჩევდი, რომ სხვისთვის იღვაწოს. ადამიანი, რომელსაც საკუთარი თავის გარდა საზრუნავი არ გააჩნია, ან დაღუპულია, ან უფსკრულის წინაშე დგას.
რას ითხოვს ჩვენგან უფალი? - ჩვენი სული დღითი დღე, წლიდან წლამდე სიკეთისკენ რომ მიილტვოდეს, მხოლოდ კეთილზე ვფიქრობდეთ და სიკეთე გვსურდეს, ბოროტება განვაგდოთ, მარადიულ დავიწყებას მივცეთ.
სხვისი ბედნიერება არ გიხაროდეს, ეს ცოდვისაგან გაუხეშებული ადამიანის ერთ-ერთი ყველაზე უღირსი თვისებაა. სხვისი სიხარულით რომ გაიხარო, ან ბავშვი უნდა იყო, ან ბავშვივით მიამიტი და უცოდველი.
გახსოვდეს, ეშმა ისეთივე ხანდაზმულია, როგორც ეს სოფელი, უფრო ხანდაზმულიც კი
თუ ურწმუნო ადამიანი ბრძოლაში გიწვევს, უგუნური შეურაცხგყოფს, გაბოროტებული გდევნის, ჩათვალე, რომ ეს ბოროტისგან არის, რამეთუ ადამიანი ბუნებით ღვთისმოსავია, კეთილი და გონიერი.
ეშმა კაცთა მოდგმის მოსისხლე მტერია. დასაბამიდან კაცის მკვლელი. ადამიანის წინააღმდეგ მან ყოველგვარი ხერხი გამოიყენა და ახალ მზაკვრობას დღენიადაგ იგონებს, რათა წარწყმიდოს.