სულიერი მდელო - ციტატები, გამონათქვამები

გაიხსენე ძმარი და ნაღველი, რომლებიც იგემა ქრისტემ, და შენ არ მოისურვებ უხვ ლხინსა და დროსტარებას.

თემა: უფალი იესო ქრისტე
წყარო: სულიერი მდელო

გაიხსენე ქრისტე, რომლის "მუხლნი მოუძლურდეს მარხვისაგან, და ხორცნი იცვალნეს ზეთისა მიერ" (ფს. 108, 24) - და მარხვა შენთვის ტკბილი და უხვ ლხინზე მასაზრდოებელი იქნება.

თემა: მარხვა,  უფალი იესო ქრისტე
წყარო: სულიერი მდელო

გაიხსენე ქრისტე გაშიშვლებული და შეურაცხ სამოსში შემოსილი და შენთვის ბრწყინვალე სამოსი არასასურველი იქნება.

თემა: სახმართმოყვარება,  უფალი იესო ქრისტე
წყარო: სულიერი მდელო

გაიხსენე ქრისტე გამოქვაბულში და ჯურღმულში; და ვეღარ მოგხიბლავს დიდებულად მორთული სახლი.

თემა: სახმართმოყვარება,  უფალი იესო ქრისტე
წყარო: სულიერი მდელო

ქრისტე, რომელიც მოწოდებული იქნა მეფობისათვის, განეშორა ამას, ხოლო ლანძღვასა და ჯვარზე სიკვდილისათვის მოწოდებისას, ნებაყოფლობით დათანხმდა; ამგვარად, ადამიანო, რომელსაც გსურს, ქრისტეს მიემსგავსო, მეტად უნდა გიხაროდეს შეურაცხყოფის მიღება, ვიდრე - დიდებისა.

თემა: უფალი იესო ქრისტე,  შეურაცხყოფა, ლანძღვა
წყარო: სულიერი მდელო

გაიხსენე ქრისტე, რომელმაც სისხლი დაღვარა მათთვისაც კი, ვინც მის სისხლს ღვრიდა; გაიხსენე ის, რომელმაც ჯვრიდან აღავლინა ლოცვა მათთვის, ვინც ჯვარს აცვა იგი; და შენ აღარ იფიქრებ მტრისადმი შურისძიებაზე, არამედ სულგრძელად აპატიებ მათ

თემა: ცოდვათა მიტევება, შენდობა,  უფალი იესო ქრისტე,  შურისძიება
წყარო: სულიერი მდელო

გაიხსენე უფალი, რომელიც მკვდრეთით აღდგომის შემდეგ დიდებით ავიდა ზეცას მეორმოცე დღეს და რომელიც ზის მარჯვენით მამისა; გაიხსენე მის მიერ ნათქვამი აღთქმა: "უკუეთუ ვინმე მე მმსახურებდეს, მე შემომიდეგინ; და სადაცა მე ვიყო, მუნცა მსახური ჩემი იყოს. და უკუეთუ ვინმე მე მმსახურებდეს, პატივ-სცეს მას მამამან ჩემმან" (ინ. 12, 26) და შენ იესოსთვის მსახურება კეთილად (მთ. 11, 30) და ტკბილად მოგეჩვენება.

თემა: საღვთო ლიტურგია, ღვთისმსახურება,  უფალი იესო ქრისტე
წყარო: სულიერი მდელო

სადაც მე ვარ, - ამბობს უფალი, იქ იქნება მსახური ჩემი. სად არის ქრისტე? - ზეცაში. ამგვარად, ჩვენც სულითა და გონებით გადავსახლდეთ იქ აღდგომამდე.

თემა: საღვთო ლიტურგია, ღვთისმსახურება,  უფალი იესო ქრისტე
ავტორი: წმ. იოანე ოქროპირი
წყარო: სულიერი მდელო

მადლი ადამიანის სულიერ ცხოვრებაში იგივეა, რაც ფიზიკურ ცხოვრებაში სუნთქვა. ადამიანი სუნთქვია გარეშე სხეულით მკვდარია, ქრისტიანიც მადლის გარეშე ქრისტიანი არაა (რომ. 8, 9), სულით მკვდარია (ეფ. 2, 1).

თემა: მადლი
წყარო: სულიერი მდელო

მადლი - ეს არის უფლის ყოფნა ჩვენში. განა მათემატიკური ჭეშმარიტების ყველაზე ბრწყინვალე დამტკიცება როგორ შეედრება მადლის ქმედების სიაშკარავეს, როდესაც ადამიანის გული ღიაა მისთვის.

თემა: მადლი
წყარო: სულიერი მდელო