არქიმანდრიტი გაბრიელი (ურგებაძე) - ციტატები, გამონათქვამები

საერო გაზეთებში ხატების დაბეჭდვა დიდი დანაშაულია

უხერხულია ვინმესგან მოითხოვო ის, რაც არ მიგიცია მისთვის

ქრისტე ღმერთი სიბრძნითა და თავმდაბლობით იცნეს

სიმართლის თქმის უფლება ცოდვილსაც აქვს, ცოდვილმა რომ მისი ცოდვების გამო სიმართლე დამალოს და არ თქვას, მის ცოდვებს ესეც დაემატება. და კიდევ უფრო მეტად დაისჯება

ხშირად შენი თვალით ნანახსაც და შენი ყურით გაგონილსაც ნუ დაუჯერებ, შეიძლება ერთიც გატყუებდეს და მეორეც

ღვთის ნების გარეშე, ნამცეცის გადაგდებაც არ შეუძლია დემონს

მონასტერში მოსულს, სახარების მიხედვით ცხოვრება მოეთხოვება და იმით ცხონდება, ერის ადამიანი კი ათი მცნების დაცვით ცხონდება

მხოლოდ და მხოლოდ მონაზონის მოთმინებაა ღმერთის წინაშე უსათნოესი კელეპტარი

მონაზვნობა ანგელოზის ხარისხია, ცეცხლში უნდა გაიარო

როცა ფიზიკურ სამუშაოს ასრულებ, შესანიშნავია, მაგ შრომით ცხონდები