მცნებათა დაცვა - ციტატები, გამონათქვამები

ეცადეთ, რომ ყოველთვის იყოთ არა მხოლოდ მსმენელნი ქრისტეს სიტყვისა, არამედ - ცხონების საქმის მოქმედნი

რას უნდა ელოდონ ის ადამიანები, ვინც ვნებებს ყველაზე მტკიცე აღვირს - წმიდა სარწმუნოების წესებს აშორებენ?!

რა ზომის სარწმუნოებითაც აღვასრულებთ ღვთის მცნებებს, სულიწმიდა თავის ნაყოფს იმდენად აღმოაცენებს ჩვენში

ზოგიერთი დაუწერელი კანონი ნებისმიერ დაწერილ კანონზე უფრო მტკიცეა. სუფთა სინდისი მუდმივი დღესასწაულია.

თუ დასაწყისში სულ ცოტათი მაინც დავატანდით თავს ძალას, შემდეგ ყველაფერს ადვილად და სიხარულით გავაკეთებდით.

თუ გსურს, უჭვრეტდე საიდუმლოს, მაშ, საქმით აღასრულე მცნებები საკუთარ თავში და მათ შესახებ შემეცნებას ნუ ეძიებ.

რაც წმიდა წერილშია ნათქვამი, ნათქვამია არა იმიტომ, რომ ჩვენ (მხოლოდ) ვიცოდეთ იგი, არამედ იმიტომ, რომ აღვასრულოთ

88. ნუ იქმნები სულმოკლე აღსრულებისათვის მცნებათაისა; რამეთუ ესევითართა მათ ურგები შრომაი შრომასა ზედა დაერთვის

გააკეთე ყველაფერი რაც შეგიძლია და სთხოვე უფალს ის, რაც არ ძალგიძს; იგი აუცილებლად მოვა შენს დასახმარებლად (1 იოანე 5, 14-15).

ვინც სათნოების გაკვეთილებში განისწავლება და არ აღასრულებს მათ, ჰგავს ადამიანს, რომელიც ხნავს, მაგრამ თესვა ავიწყდება.