ციტატები, ამონარიდები ჩანაწერებიდან, წიგნებიდან

ღმერთი არ დაუშვებს ჩვენს ძალებზე აღმატებულ განსაცდელს

მეორედ მოსვლის დროს ქრისტე ჩვენდამი სიყვარულის ნიშანს – თავის ხორციელ წყლულებს – გვიჩვენებს. მაშინ ჩვენც, შვილო, მისი სიყვარულისთვის მწუხარებით ნატკენი და დასისხლიანებული გული ვუჩვენოთ.

მცირეოდენი ჭირი და ტკივილი ვერ მოგვითმენია?!

ეშმაკს წვავს შავი ანაფორა

ნუ დაიღლებით განსაცდელში, რადგან განსაცდელთა მეშვეობით მივიწევთ წინ ღვთაებრივის მოსაპოვებლად. განსაცდელი ცხადყოფს, რომ ღვთის შვილები ვართ და გვსურს, ვიყოთ მისი მემკვიდრეები.

ტკივილი წმენდს და თავმდაბლობით აღავსებს სულს

ღმერთი შეეწევა ღვთისმოყვარეებს

ნუ შეშინდები, ნუ დაფრთხება შენი გული. ქრისტე ფარული ხელით უხილავად შეგეწევა; გცდის, რათა თავისი მადლი მოგანიჭოს.

ღვთისკენ მიმავალი გზა ვიწრო და ეკლიანია

ქრისტემ, თვით ღმერთმა, ჩვენთვის, ცოდვილთათვის, ამდენი რამ იტვირთა. რა პასუხს გავცემთ ჩვენ, თუ მისი სიყვარულისთვის ან თუნდაც ჩვენი ცოდვების გამო განსაცდელს არ მოვითმენთ?