სულიერი მდელო - ციტატები, გამონათქვამები

ჭეშმარიტი სიხარული უფლისგან მოდის და მხოლოდ მას მიეცემა, ვინც საკუთარ თავს გამუდმებით აიძულებს, რომ თავისი ნება უარყოს და ღვთის ნება აღასრულოს.

თემა: საკუთარი ნების უარყოფა,  სიხარული,  ღვთის ნება
ავტორი: წმ. ანტონი დიდი
წყარო: სულიერი მდელო

რა კარგი იქნებოდა, სამყაროში გვეცხოვრა არა - საკუთარი ნებითა და აზრებით, არამედ ყოველივე უფლისგან გამოგვეთხოვა, მისივე სიტყვებით რომ ვთქვათ: მითხარი უფალო, უნდა გავაკეთო ეს თუ არა? (გამოსვ. 8, 19-20; მეორ. შჯ. 12, 8-32; 142, 8).

თემა: საკუთარი ნების უარყოფა,  ღვთის ნება
წყარო: სულიერი მდელო

რა გავაკეთოთ, რომ უფალს ვაამოთ? - ჰკითხეს წმინდა ანტონი დიდს. მან უპასუხა: "სადაც არ უნდა იყო, ყოველთვის თვალწინ გყავდეს მამაზეციერი; რა საქმითაც არ უნდა დაკავდე, ნახე, იწონებს თუ არა ამას წმიდა წერილი".

თემა: მწუხარება,  საქმე,  ღვთის სათნო ყოფისათვის
წყარო: სულიერი მდელო

თუ გსურს, მწუხარების გარეშე იცხოვრო, ეცადე, უფალს აამო (ამბა ევაგრე)

თემა: მწუხარება,  ღვთის სათნო ყოფისათვის
ავტორი: აბბა ევაგრე
წყარო: სულიერი მდელო

იარე მიწაზე, მაგრამ იცხოვრე ზეცაში

წყარო: სულიერი მდელო

უფალს მიუძღვენი ყოველი დღისა და ღამის ნაწილი - მადლობა ლოცვით შესწირე მას წარსულისათვის, სთხოვე კურთხევა მომავლისა და დღის განმავლობაში იმ საათებიდან, რომლებსაც წუთისოფელი და მისი საქმენი გტაცებენ, შეძლებისდაგვარად მიიტაცე წუთები, რათა გაიხსნო უფალი, საიდუმლოდ აღამაღლე მის წინაშე გული და აზრი, ღვთისმოსავი მადლიერებით, და თუ ამაში ყურადღებითა და მუდმივად იმეცადინებ, საკუთარ თავში აღმოაჩენ იმას, რაც ფსალმუნში წერია: "მიეწიფნეს სახუმილავთა თუალნი ჩემნი" (ფს. 76, 4).

თემა: დროის უქმად კარგვა - უსაქმურობა,  ღმერთი
წყარო: სულიერი მდელო

ის საათები, როცა არ ფიქრობ ღმერთზე და როცა გონებასა და გულში არანაირი კეთილზნეობრივი ფიქრი არ გიელვებს, დაკარგულად ჩათვალე შენთვის. დაფიქრდი, საყვარელო ქრისტიანო, რამდენი დრო დაგიკარგავს!ითხოვე უფლისგან პატიება წარსულისათვის და ამიერიდან კეთილგონიერად და ქრისტიანულად იცხოვრე.

თემა: დროის უქმად კარგვა - უსაქმურობა,  ღვთის ხსოვნა
წყარო: სულიერი მდელო

დროის ყოველი ის წამი დაკარგულად ჩათვალე, როცა უფალზე არ გიფიქრია

თემა: ღვთის ხსოვნა
წყარო: სულიერი მდელო

უფლის ხსოვნა სუნთქვაზე აუცილებელია

თემა: ღვთის ხსოვნა
ავტორი: წმ. გრიგოლ ღვთისმეტყველი
წყარო: სულიერი მდელო

ადამიანი მუდმივად ისე უნდა იყო, თითქოსდა ღვთის სამსჯავროზე დგახარ

თემა: საშინელი სამსჯავრო
ავტორი: აბბა აღათონი
წყარო: სულიერი მდელო