იმისათვის, რომ ჩვენი ლოცვა ამაოდ არ დარჩეს, ანუ იმისათვის, რომ ისინი უფალმა შეისმინოს და აღასრულოს, საჭიროა, სათნო ვეყოთ ღმერთს. ღვთის მცნებების მორჩილი და სათნო ცხოვრების მქონე არა მხოლოდ აღასრულებს ლოცვებს - საჭირო ყურადღებითა და ღვთისმოშიშებით, არა მხოლოდ ეცოდინება და შეეძლება როგორ უნდა ილოცოს, არამედ ისიც, რისთვის უნდა ილოცოს, ანუ თვით ლოცვის საგანსაც ღვთისთვის სასურველად შეარჩევს.