მთავარი პირობა ლოცვაში წარმეტების მისაღწევად არის ვნებებისაგან გულის გაწმენდა და ყველანაირი შეგრძნებებისა და ყოველგვარი ლტოლვებისაგან განთავისუფლება. ამის გარეშე ლოცვა მუდამ პირველ საფეხურზე, ანუ წაკითხვის დონეზე რჩება. გულის გაწმენდის შესაბამისად წაკითხული ლოცვები თანდათან გადადის გონიერ-გულისმიერში, ხოლო როცა გული სრულიად დაიწმინდება, მაშინ მკვიდრდება მოუკლებელი ლოცვა. როგორ იმოქმედოთ? - ტაძარში მსახურების მიმართ ყურადღებით იყავით და გაითავისეთ ის აზრები და გრძნობები, რომლებიც ღვთისმსახურებიდან მოგეწოდებათ. სახლში ლოცვითი გრძნობები და აზრები აღაგზნეთ და დააკავეთ ისინი იესოს ლოცვის მეშვეობით.