წმ. გრიგოლ ღვთისმეტყველი - ციტატები, გამონათქვამები

ზეცა, მიწა, ზღვა - ერთი სიტყვით, მთელი ეს სამყარო ღვთის უდიდესი დიდებული წიგნია, რომელშიც ცხადდება მდუმარებით ნაქადაგები ღმერთი

როგორც არავის არასდროს ჩაუსუნთქავს მთელი ჰაერი, ასევე ვერც გონება დაიტევს მთლიანად, და ვერც ხმა მოიცავს ღვთის არსს.

ღვთის შესახებ სიტყვა რაც უფრო სრულყოფილია, მით უფრო მიუწვდომელია იგი

ნუ ეცდები ღვთის ღრმად გამოკვლევას, უფრო მეტად ეცადე, მიემსგავსო მას

უფალი გვიგზავნის უხვ ძღვენს უმეტესი სიამოვნებით, ვიდრე - ჩვენ ვღებულობთ მას

თუ მართალი ადამიანი ხარ, გეშინოდეს (ღვთის) რისხვისა, რათა არ დაეცე; თუ ცოდვილი ხარ, დაეყრდენი (ღვთის) გულმოწყალებას, რათა აღსდგე

თუმცა სულიწმიდა ერთია, მისი ძღვენი თანაბარი არაა, ვინაიდან სულიწმიდის მიმღებნი თანაბარნი არ არიან.

როგორც ღვთის საზომის მიხედვით იზომება ჩვენი ცხოვრების საზომი - ასევე, ცხოვრების საზომის მიხედვით იზომება ღვთის საზომიც (მადლის ნიჭების მიხედვით).

უფლის ხსოვნა სუნთქვაზე აუცილებელია

როცა მოგცემს ღმერთი, შური ვერაფერს იზამს; ხოლო როცა არ მოგცემს, ვერანაირი ძალისხმევა ვერ გიშველის.