ციტატები
ციტატები სიბრძნე, გამონათქვამები, ამონარიდები
კლასიკური პედაგოგიკის მთავარი იდეა სულიერებაა
თავის იძულებისა და ძალდატანების გარეშე სულიერებას ვერ მივაღწევთ.
დღეს კაცობრიობა იმდენად მოცულია მიწიერი და მატერიალური პრობლემებით, რომ სულიერი და ზნეობრივი საკითხები თითქმის აღარ ახსოვს. სულიერებას მოკლებული ადამიანი უფრო და უფრო ინთქმება ცოდვის, სიძულვილისა და სასოწარკვეთილების უფსკრულში.
იზრუნე სულზე. სახლში მეტი სულიერება გამოიჩინე. უფალი თვალყურს გადევნებს და მადლის ჟამი სასწაულებრივად მოგცემს ნიშანს, როცა ამას ზეციური კრებული გადაწყვეტს.
სულიერება მხოლოდ სულიწმინდის წყალობით ეძლევა ამა თუ იმ პიროვნებას და "სნეულთა მკურნალი და ნაკლულევანთა აღმავსებელი" ღვთაებრივი მადლი მხოლოდ ეკლესიაში აღსრულებულ საიდუმლოთა ძალით მიენიჭება მას.
სწორედ სულის მიერ და სულით ცოცხლობს ეკლესია.
თემა: ეკლესია, მადლი, ეკლესიის საიდუმლოებებიავტორი: ილია II
წყარო: ეპისტოლენი, ქადაგებანი, სიტყვანი (ნაწილი III)
როგორც ორ სულს არ ძალუძს ერთი სხეულის განსულიერება, ასევე ორ - ღვთისა და ამასოფლისადმი სიყვარულს - არ შეუძლია ერთი სულის განსულიერება.
საქართველოს კულტურული, ინტლექტუალური, თუნდაც მატერიალური პოტენციალის აღორძინება სულიერი ამაღლებით უნდა დაიწყოს. მეცნიერების და მის წარმომადგენელთა სულიერება იქნება სათავე ჩვენი ქვეყნის განათლებისა.
ჭეშმარიტ რწმენას ვერ შეარყევს ეროვნულ სულს მოწყვეტილ უბადრუკთა ამაო დაპირებანი, უცხოეთში რომ გაემგზავრნენ, რათა სულიერად დაცლილთაგან სულიერება ეყიდათ. მათ შეიძინეს სული, ოღონდ მკვდარი. ნუთუ ცოცხალი მკვდრისაგან იძლევა? - ცხადია არა.
საქართველოს ძლიერებასა და ერის ერთობას დღესაც საფუძვლად სულიერება და და ზნეობრიობა უნდა დაედოს. ამასთან აუცილებელია თვითმყოფადი ცნობიერებისა და კულტურის შენარჩუნება, რომელიც მთლიანად ქრისტიანულ მსოფლმხედველობაზეა დაფუძნებული.
ლოცვა მარადიულობისაკენ გარღვევაა, სულის მიქცევა შემოქმედისკენ, მისტიკური თანაზიარება ღმერთთან, ახალი ცხოვრების დასაწყისი, ღვთაებრივი ნათლის აღქმის უნარი, უხილავი სხივი, თაბორის მთიდან კაცის გულისკენ მიმავალი, სულის ფერისცვალება და ხორცის განსულიერება.