წმ. მაქსიმე აღმსარებელი - ციტატები, გამონათქვამები

წმ. მაქსიმე აღმსარებელი - ციტატები, გამონათქვამები წმ. მაქსიმე აღმსარებელი | გამონათქვამები

ციტატები, ამონარიდები, გამონათქვამები

42. თუ უეცრად განსაცდელი შეგემთხვევა, ნუ დაადანაშაულებ მას, ვისი მეშვეობითაც იგი მოვიდა, არამედ ეძიე, თუ რატომ მოვიდა და გამოსწორდები. რამეთუ მისი თუ სხვისი მეშვეობით უნდა გეგემა ღვთის მსჯავრთა ფიალის სიმწარე. თუ უეცრად განსაცდელი შეგემთხვევა, ნუ

41. თითქმის ყველა ცოდვა საკუთარი თავის საამებლად წარმოიქმნება და ამიტომ ან სინანულის შედეგად, ნებსითი თუ უნებლიე შრომითა და ტანჯვით აღიხოცება, ან იმ განსაცდელის ზემოქმედებით, რომელიც ჩვენდამი ღვთის განზრახვაზეა დამოკიდებული. "ჩვენსავე თავს რომ განვსჯიდეთ, აღარ განვისჯებოდით - ამბობს წმიდა წერილი,- ხოლო რაკი განვისჯებით, უფლის მიერ განვისწავლებით, რათა წუთისოფელთან ერთად არ დავისაჯოთ." (1 კორ. 11,31,32). თითქმის ყველა ცოდვა საკუთარი თავის საამებლად

40. ვნებათა უმოქმედობის ჟამს ამპარტავნობა წარმოიშობა, როცა მათი მიზეზები შეუმჩნეველია, ანდა როცა დემონები მზაკვრულად გარბიან. ვნებათა უმოქმედობის ჟამს ამპარტავნობა

39. ვინც კაცთა ბუნების უძლურებას ჩასწვდა, მან ღვთის შეწევნის ძალა გამოცდილებით შეიცნო. ასეთმა ადამიანმა ამ ძალის შეწევნით რაც არ უნდა გააკეთოს და რასაც არ უნდა აკეთებდეს, კაცთაგან არასდროს არავის დაამცირებს. რადგან იცის, თუ როგორ დაეხმარა ღმერთი მას და რამდენი ვნებისა და უბედურებისაგან იხსნა. ასე შეეწევა ის ყველას, ვინც ამას მოისურვებს, განსაკუთრებით კი მას, ვინც ღვთისათვის იღვწის; თუმცა, გარკვეულ მიზეზთა გამო, ყველას ერთბაშად არ ათავისუფლებს ვნებათაგან, მაგრამ, როგორც კეთილი და კაცთმოყვარე მკურნალი, თითოეულ მისდამი ლტოლვილს თავის დროზე კურნავს. ვინც კაცთა ბუნების უძლურებას ჩასწვდა, მან

38. ამპარტავნობის დემონს ორგვარი მზაკვრობა გააჩნია: მონაზვნებს ან იმაში არწმუნებს, რომ თავიანთი მართებული საქმეები თავის თავს მიაწერონ და არა ღმერთს, რომელიც მადლის მომნიჭებელი და კეთილმორწმუნეობის შემწეა, ანდა, როცა ისინი დემონს ამაში არ დაეთანხმებიან, მაშინ შთააგონებს, რომ ნაკლებად სრულყოფილი ძმები დაამცირონ. მაგრამ ისინი ვერ ხვდებიან, რომ ამგვარი ქმედების ჟამსაც კი მათ დემონი აქეზებს, ღვთის შეწევნა უარყონ. რამეთუ მათი დამცირებით, ვინც, მათ მსგავსად, არაა სრულყოფილი, ააშკარავებენ, რომ თავიანთ წესიერებას მეტწილად თავის თავს მიაწერენ, რაც შეუძლებელია. როგორც უფალი ამბობს: "თვინიერ ჩემსა არა ძალ-გიძსთ ყოფად არცა ერთი" (იოან.15,5). ჩვენი უძლურება იმდენად დიდია, რომ სიკეთის მოსურვების ჟამსაც კი მისი ბოლომდე მიყვანა არ ძალგვიძს, მადლთა მომნიჭებლის შეწევნის გარეშე. ამპარტავნობის დემონს ორგვარი მზაკვრობა

37. როცა გაიგონებთ წმიდა წერილის სიტყვებს: "რომელმან მიაგოს კაცად-კაცადსა საქმეთა მისთაებრ" (რომ.2,6.), გახსოვდეთ, რომ ღმერთი სიკეთით მოგაგებთ არა იმისათვის, რაც უკეთური განზრახვით კეთდება, თუმცა, შეიძლება, ის სიკეთედ გეჩვენებოდეთ, არამედ სწორედ კეთილი განზრახვით ქმნილის გამო. რამეთუ ღვთის მსჯავრი ხედავს არა მხოლოდ იმას, რა კეთდება, არამედ განზრაზვას, რომლითაც კეთდება. როცა გაიგონებთ წმიდა წერილის სიტყვებს:

36. ყველა ჩვენს ქმედებაში ღმერთი განზრახვას ხედავს; მისთვის ვაკეთებთ ჩვენ ამას[] თუ იმ მიზეზის გამო. ყველა ჩვენს ქმედებაში ღმერთი განზრახვას

35. ადამიანურ ქმედებათა შორის ბევრი სიკეთეა თავისთავად, მაგრამ რაღაც მიზეზით უკეთურებად იქცევა. მაგალითად, მარხვა და მღვიძარება, ლოცვა და ფსალმუნება, მოწყალება და უცხოთა შევრდომა, თავისთავად კეთილი საქმეებია, მაგრამ როცა ყოველივე ამას პატივმოყვარეობის გამო აკეთებენ, მაშინ უკვე აღარაა სიკეთე. ადამიანურ ქმედებათა შორის ბევრი სიკეთეა

34. სათნოებებში ღვაწლისათვის ჯილდოა უბიწოება და ცოდნა. როგორც ესენია ჩვენთვის ცათა სასუფევლის მიზეზი, ასევე ვნებები და უცოდინრობა - ჯოჯოხეთის ტანჯვათა. ამიტომ, ვინც მათ ამქვეყნიური დიდებისათვის ეძიებს და არა იმისათვის, რომ ეს სიკეთეა, წმინდა წერილი ეუბნება: "ითხოვთ და ვერ მიიღებთ, რამეთუ ბოროტად ითხოვთ" (იაკ. 4,3). სათნოებებში ღვაწლისათვის ჯილდოა უბიწოება და

32. სიკეთისაკენ სამი საწყისი გვიბიძგებს: ბუნებით მონიჭებული სიკეთე, წმინდა ძალნი და კეთილი ნება. ბუნებით მინიჭებული სიკეთეა, როცა, მაგალითად, ისე ვექცევით ადამიანებს, როგორც გვსურს, ჩვენ გვექცეოდნენ. ანდა როცა ადამიანს სივიწროვესა და უპოვარებაში მყოფს ვხედავთ და ბუნებრივად ვიბრალებთ მას. წმინდა ძალთაგან არის სიკეთე, როცა კეთილი საქმისადმი ჩვენი სწრაფვისას ჩვენს თავში კეთილ შემწეს აღმოვაჩენთ და წარმატებას მივაღწევთ. და ბოლო, კეთილი ნებაა, როცა განვასხვავებთ რა სიკეთეს ბოროტებისაგან, ვირჩევთ სიკეთეს.
33. ასევე სამი საწყისია, რომელიც ბოროტებისკენ გვიბიძგებს: ვნებები, დემონები და ბოროტი ნება. ვნებაა, როცა გვსურს რაღაც უგუნური, როგორიცაა, მაგალითად, უდროო და უჯერო ჭამა, ანდა, როცა დედაცაცებს არ სურთ შვილების გაჩენა, ასევე უსამართლობა, როცა ვურისხდებით და ვუწყრებით ვინმეს, ვინც არ უნდა იყოს ის, ჩვენი შეურაცხმყოფელი თუ მაწუხებელი. დემონები კი, ჩვენივე დაუდევრობით, იხელთებენ რა მათთვის შესაფერის ჟამს, მოულოდნელად გვესხმიან თავს და უდიდესი ძალით ჩვენში ზემოხსენებულ მსგავს ვნებებს აღძრავენ. და ბოლოს, ბოროტი ნებაა, როცა ვიცით რაა სიკეთე, მაგრამ ნებით ვირჩევთ ბოროტებას. სიკეთისაკენ სამი საწყისი გვიბიძგებს: ბუნებით

წმ. მაქსიმე აღმსარებელი | გამონათქვამები

1