ციტატები
ციტატები სიბრძნე, გამონათქვამები, ამონარიდები
28. ღვთის სიყვარულის მომპოვებელი ჰგავს ღვთაებრივ იერემიას, რომელის "არ წუხს, თავისი უფალი ღმერთის მიმდევარი" (იერ.17,16), არამედ ვაჟკაცურად იტანს ყოველგვარ შრომას, შეურაცხყოფას და დამცირებას, არავის მიმართ განიზრახავს ბოროტებას.
თემა: შრომა, სიყვარული ღვთისადმი, შეურაცხყოფა, ლანძღვა, ბოროტებაავტორი: წმ. მაქსიმე აღმსარებელი
წყარო: ოთხი ასეული თავი სიყვარულის შესახებ
უფლისაგან მადლი მოდის, ჩვენ კი შრომა გვმართებს. ნურავინ იფიქრებს, რომ მოციქულები ოდენ უფლის მადლით განმტკიცდებოდნენ, რომ მათთვის ცხოვრება იოლი იყო, რომ ისინი კაცობრიობისათვის გაწეულ მსახურებას გარჯის გარეშე აღასრულებდნენ.
რადგან ღმერთი, როგორც თვითგანდიდებული არსება, არ საჭიროებს ადამიანურ შრომას, არამედ ხარობს და უყვარს, როცა მისი სიყვარულისთვის ვეწამებით და ვივნებთ,. ამიტომაც გვაჯილდოვებს, როგორც მოღვაწეებს და უხვად გვიწყალობებს თავის მადლს.
თემა: მადლი, ღვთისთვის თავგანწირვა, ღმერთი, ღვთის წყალობა, მოწყალებაავტორი: იოსებ ათონელი (ისიხასტი)
ამაოა შრომა - უნაყოფო და საზიანოც კი, თუ ნაადრევად ვეძიებთ საკუთარ თავში მაღალი სულიერი ნიჭების გამჟღავნებას. მოწყალე უფალი თავის დროზე უბოძებს ამ ნიჭებს მათ, ვინც მუდმივად, მოთმინებით და სიმდაბლით ასრულებს ქრისტეს მცნებებს. ამინ.
თემა: მოთმინება, თავმდაბლობა, სიყვარული ღვთისადმი, მცნებები, მცნებების დაცვაავტორი: წმ. ეგნატე ბრიანჩანინოვი
წყარო: კრებული
შეიძლება, ძმანო ჩემნო საყვარელნო, კაცმა ამ სოფელში ყოველი თვისი სოფლიური საქმე ისრედ დააწყოს, რომ ყოველი მისი შრომა და მოქმედება გადაიქცეს ღვთისმსახურებად; ისიც შეიძლება, რომ ყოველი მისი ცხოვრება იყოს მსახურება და მონება მამონისა
ბევრმა ადამიანმა შემუსრა და დაადნო ხორცი, რათა დაეძლია ვნებები და სასწაულმოქმედების მადლი და წინასწარმეტყველების ძალა მიეღო; სიმდაბლე კი ვერ შეიძინა. ვერ მიხვდნენ ეს უბადრუკნი, რომ შრომა კი არა, უმეტესად სიმდაბლეა ყოველივე ამის დედა
სულის ცხონების საქმე წინა უვიდოდეს სხვათა ყოველთა შენთა საქმეთა და არათუ მხოლოდ შენნი საქმენი, შრომანი, ზრუნვანი, იმ სახით გქონდეს დაწყობილნი, რომელ არა უშლიდენ სულის განათლებასა და ცხოვნებასა, რომელიცა მოგვცეს ჩვენ ყოველთა ღმერთმან. ამინ.
ღვთის ხსოვნას თავად ღმერთი შეასისხლხორცებს სულთან, მაგრამ ამისთვის თავის იძულებადა შრომაა საჭირო. იშრომეთ და ყოველმხირ აიძულეთ თავ, მუდამ გახსოვდეთ ღმერთი. ღმერთი დაინახავს თქვენს გულმოდგინებას და მოგცემთ ღვთის გამუდმებული ხსოვნის უნარს.
რაც გინდა მდიდარი იყოს კაცი, მაინც არ უნდა დაუტევოს შრომა. წინააღმდეგ ამისა, თუ მან განისვენა, იგი ზარმაცდება, მიეჩვევა უქმობასა, და უქმობა შთააგდებს მას მრავალთა ცოდვათა შინა და ბოლოს სიმდიდრესაც დაჰკარგავს იგი და ყოველსა სულიერსაცა ღირსებასა.
თემა: შრომაავტორი: წმ. ეპისკოპოსი გაბრიელი (ქიქოძე)
წყარო: ქადაგებანი გაბრიელ ეპისკოპოსისა - I ტომი
ლოცვა დამქანცველი შრომა როდია. ეს შინაგანი მოღვაწეობაა, სულის თბილი ლმობიერებაა. მაგრამ ლოცვა საჭიროებს მარხვასა და მღვიძარებას. მარხვა აშრობს ვნებებს, მღვიძარება კი – მოაკვდინებს. ლოცვა ადამიანს ფრთებს ასხამს და ცაში აჰყავს, ციური ნიჭით აჯილდოებს.