სულიერი მდელო - ციტატები, გამონათქვამები

ამაოა ლოცვა და ღვაწლი ადამიანისა, რომელსაც გულში მოყვასის მიმართ ბოროტება და შურისძიების სურვილი აქვს.

თემა: ბოროტება,  ლოცვა,  შურისძიება
ავტორი: აბბა ისაია განდეგილი
წყარო: სულიერი მდელო

არც მარხვა, არც დღესასწაულები შეიძლება იყოს იქ, სადაც მტრობა და ბოროტებაა

თემა: ბოროტება,  მარხვა,  მტრობა,  დღესასწაული
წყარო: სულიერი მდელო

ვინც გულში ავის ხსოვნას ინახავს, ჰგავს კაცს, რომელსაც გულში გველი ჰყავს ჩახუტებული.

თემა: ძვირის ხსოვნა
ავტორი: წმ. ეფრემ ასური
წყარო: სულიერი მდელო

ფუტკრების მეფეს აქვს ნესტარი, მაგრამ მას შურისძიებისათვის არ იყენებს. თუ რომელიმე ფუტკარი მეფის მაგალითს არ მიბაძავს, ისინი მალე შეინანებენ თავიანთ უგუნურებას, რადგან ნესტრით განგმირულები კვდებიან. შეისმინონ ეს იმ ქრისტიანებმა, რომელთაც აქვთ მცნება: "და ნუვის ბოროტსა ბოროტისა წილ მიაგებთ" (რომ. 12, 17-21)

თემა: ბოროტება
ავტორი: წმ. ბასილი დიდი
წყარო: სულიერი მდელო

თუ თქვენს სახლში გველები და მორიელები გაჩნდნენ, რას აღარ გააკეთებდით, რომ მათაგან გათავისუფლებულიყავით! მაგრამ სიძულვილი და მტრობა ამ ქვეწარმავალზე უარესია და, მიუხედავად ამისა, მაინც არ გსურთ მათგან გასუფთავება გულისა, რომელიც ღვთის ტაძარია.

თემა: გული,  მტრობა,  სიძულვილი,  ძვირის ხსოვნა
ავტორი: ნეტარი ავგუსტინე
წყარო: სულიერი მდელო

ძლიერი ქარი ღრუბლებს განდევნის, ბოროტის ხსოვნა კი კეთილ გრძნობებს - სულიდან

თემა: ძვირის ხსოვნა
ავტორი: აბბა ევაგრე
წყარო: სულიერი მდელო

ის, ვის სულშიც ბოროტის ხსოვნაა, ჰგავს ადამიანს, თივაში რომ ინახავს ცეცხლს

თემა: ძვირის ხსოვნა
წყარო: სულიერი მდელო

მდუმარებასა და მოკრძალებაშია სიმშვიდე და ცხოვრებისეული კეთილდღეობა; ხოლო, ვინც ბოროტებას ბოროტებით მიაგებს, ანდა გინებას - გინებით, იგი არასოდეს იქნება მშვიდი და ვერასოდეს იფიქრებს მომავალ ნეტარ ცხოვრებაზე (1 პეტრე 3, 9-11).

თემა: ბოროტება,  კრძალულება,  მდუმარება,  სიმშვიდე
წყარო: სულიერი მდელო

რა საბრალო მდგომარეობაა სიძულვილს სიძულვილით მიაგო და წყენას - წყენით. მაგრამ თუკი მტერი შენზე ძლიერია? მაშინ რას მოემსახურება შენი შურისგების სიყვარული? შენი დაღუპვის დაჩქარებას ხომ არა? თანაბარი ძალების შემთხვევაში კი რას უნდა მოველოდეთ, თუ არა - ორმხრივ დაცემასა და უბედურებას? ბოლოს: მას რომც არ შესწვდეს შენთვის წინააღმდეგობის ძალა, განა ნაკლებად საშინელია ფარული განზრახვა, ვიდრე - აშკარა თავდასხმა? ხოლო ამაფორიაქებელი საზრუნავი, ცბიერება, ზრახვები, საკუთარი თავისთვის მავნე ქმედებები, მტანჯველი ფიქრები - თვით საკუთარ შეუძლებელ წარმატებაზეც კი და კიდევ უფრო მტანჯველი აზრი მოწინააღმდეგის წარმატებაზე, და ბოლოს, თვით წარმატებები, რომელსაც ახლავს სინდიდის უდიდესი მხილებანი, ზოგჯერ კი - საყოველთაო ზიზღი? ჰოი, რამდენი ტანჯვაა მოძულე გულისათვის, - ეს არის შხამი მიწაზე, ჯოჯოხეთის ცეცხლი.

თემა: მტრობა,  სიძულვილი,  წყენა
წყარო: სულიერი მდელო

ზეცაში მხოლოდ ის აღიყვანება, ვისაც სიყვარული აქვს, რამეთუ იქ მხოლოდ სიყვარულია.

თემა: ცხონება, სასუფეველი, სამოთხე,  სიყვარული
წყარო: სულიერი მდელო