სხვა ავტორი - ციტატები, გამონათქვამები

თავმდაბლობა ერთ-ერთი ნიშანია ჭეშმარიტი გონიერებისა

წარმოვიდგინოთ, რომ კიდევ მრავალი რამ არის, რაც უნდა გაგვეკეთებინა და არ გავაკეთეთ (ლუკა 17, 10) და მაშინ ყველა ჩვენი მიწიერი დამსახურება საკუთარ თვალში არარაობად გამოჩნდება.

ყოველთვის იმაზე კი ნუ იფიქრებ, რაც გაქვს, არამედ იმაზე, რაც არ გაქვს; უფრო მეტად უნდა წუხდე იმ სათნოებებზე, რომლებიც არ გაქვს, ვიდრე თავი მოგქონდეს იმით, რაც გაქვს.

სრულებით ნუ დაივიწყებ, ვინ იყავი და არც ძალიან იფიქრო იმაზე, ვინ ხარ ახლა

სიცოცხლის ბოლომდე უნდა გახსოვდეს საკუთარი ცოდვები და, ამასთან ერთად, მათი აღსრულების დეტალები არ უნდა გაიხსენო. ცოდვათა ხსოვნა ამპარტავნების ფიქტებს განაგდებს.

1647. ხომ არ ითვლება ანგელოზთა და წმინდანთა პატივისცემა ღმერთის პირველი მცნების საწინააღმდეგოდ?

უხმარი მონა (ლუკა 17, 10), დაღუპული ცხვარი (ფს. 118, 176), - აი, ღვთის ჭეშმარიტი მონის სახელი, რომელიც სათნოა ღვთისთვის და ის მადლს მოგვიხვეჭს.

როდესაც ღვთის მცნებას დაარღვევ, იტირე მეზვერის სიტყვებით: "ღმერთო! მოწყალე მექმენ მე ცოდვილსა!" ხოლო როდესაც აღასრულებ მათ, თქვი: "მონა ვარ უხმარი და მხოლოდ ღვთის მცნება აღვასრულე".

კეთილად ცხოვრება, კეთილის ქმნა და კეთილის ფიქრი ღვთისადმი მიტანილი მსხვერპლი კი არ არის, არამედ - ადამიანის ვალი უფლის წინაშე.

ყოველივეს აღსრულების შემდგომაც საკუთარ თავზე უნდა ვთქვათ: "მონანი ვართ უხმარნი" (ლუკა 17, 10) - როგორც ბრძანებს უფალი.