სულიერი მდელო - ციტატები, გამონათქვამები

ცხოვრებისეული უსიამოვნებები უნდა გამოვიყენოთ, ვნახოთ, რომელმა გაუფრთხილებელმა ნაბიჯმა მიგვიყვანა აქამდე და მომავლისათვის საკუთარ თავს სიფრთხილის კანონი დავუწესოთ.

თუ გაურბიხარ ხალხის ჭორაობას შენი საქციელის შესახებ, მაშინ ეს საქციელი შეწყვიტე და ჭორიც აღარ იქნება.

თუ ვინმე შენზე ჭორაობს, ნუ გაბრაზდები, არამედ იტირე და შეგრცხვეს - არა იმისა, რომ შენზე ჭორაობენ, არამედ იმ ცოდვის გამო, რომელმაც ასეთ არაწმიდებაში ჩაგაგდო.

ქებას თავი აარიდე, მაგრამ ყვედრებისაც შეგრცხვეს

საზოგადოებაში დამამცირებელი საქციელი ქრისტიანულ თავმდაბლობას არ ტოვებს

კარგია შენდობის თხოვნა (ღვთისა და ადამიანების წინაშე), მაგრამ უკეთესია, ისე არ მოიქცე, რომ შენდობის თხოვნა დაგჭირდეს.

ცოდვა თავისთავად სასჯელია (იერ. 2, 19; რომ. 2, 9), ისევე, როგორც სათნოება თავისთავად ჯილდოა (მათე 5, 6).

დამნაშავემ, როგორი წარმატებითაც არ უნდა აარიდოს თავი სასჯელს, იგი მუდამ თან სდევს.

ბოროტი საქმეები უკვე აქვე გეენაში ყოფნაა, რადგან სინდისი ამხილებს მცოდველს.

უფრო ღრმად ჩაიხედე საკუთარ გულში: თვითონვე დაინახავ, რომ ყოველგვარ ბოროტ ფიქრს, სურვილსა და საქმეს შენთვის სირცხვილი და აუგი მოაქვს, მიუხედავად იმისა, რომ არავინ იცის შენი აზრები, სურვილები და საქმეები. მაგრამ დადგება დრო, როდესაც... იხილეთ სრულად