სიბრძნე ზირაქისა - ციტატები, ამონარიდები

შეუბრალებელია საკუთარი თავის მიმართ, ვინც არ უფრთხილდება სიტყვებს, თავს ვერ დაიცავს სიავისა და ბორკილებისაგან. თ. 13-14

ნუ მიატოვებ ძველ მეგობარს, რადგან ახალი მას ვერ შეედრება. ახალი მეგობარი ახალი ღვინოა; როცა დაძველდება, სიხარულით შესვამ. თ. 9-10

რადგან სიბრძნე სიტყვით შეიცნობა და ცოდნა ენის მეტყველებით. წინ ნუ აღუდგები ჭეშმარიტებას და შენი უმეცრებისა გრცხვენოდეს. თ. 4-6

ჭუჭყიან ქვაბს ჰგავს ზარმაცი და ყველა უსტვენს მის უპატიობას. ხარის ნეხვსა ჰგავს ზარმაცი; ყოველი მისი ამღები ხელს იფერთხავს. თ. 20-22

ზოგჯერ მხილება უდროოა და ზოგჯერ, ვინც დუმს, ის არის გონიერი. მხილება სჯობს ლიტონ გულისწყრომას, რადგან ნაკლში მხილებული თავს შეიკავებს. თ. 19-20

ვერარა ბოროტება ვერ მოვა ქალის ბოროტებასთან – ცოდვილის ხვედრი დაატყდება მას. რაღა მოხუცის ფეხებისთვის ქვიშიან აღმართზე სიარული და რაღა ანჩხლი ცოლი მშვიდი კაცისთვის. თ. 24-25

როგორც ლალის ბეჭედია ოქროს სამკაულში, ასევე მუსიკის კეთილხმოვანებაა ნადიმზე ღვინის სმისას. როგორც ბეჭედი სმარაგდისა ოქროს ბუდეში, ასევე მუსიკის ჰანგია ტკბილი ღვინის სმისას.

ძუნწი კაცისათვის სიმდიდრე არ არის სიკეთე, რად უნდა ქონება ბოროტ ადამიანს? ვინც თავის სულს აკლებს და ისე აგროვებს, სხვებისთვის აგროვებს და მისი საუნჯით სხვანი დატკბებიან. თ. 13-14

მამის სირცხვილია უზრდელი ვაჟიშვილის ყოლა, ქალიშვილი საზარალოდ იბადება. გონიერი ასული ქმარს შეიძენს, ურცხვი კი მშობლის დარდია. უტიფარი ქალი არცხვენს მამასაც და ქმარსაც და ორივესგან შეძულებული იქნება. თ. 20-22

შვილო, მშვიდად წარმართე შენი საქმეები და ღვთის სათნო კაცი შეგიყვარებს. რამდენადაც დიდი ხარ, იმდენად დაიმდაბლე შენი თავი და უფლის წინაშე მადლს იპოვი. რადგან დიდია უფლის მეუფება და მორჩილთაგან იდიდება იგი. თ. 3-4