წმ. მაქსიმე აღმსარებელი - ციტატები, გამონათქვამები

წმ. მაქსიმე აღმსარებელი - ციტატები, გამონათქვამები წმ. მაქსიმე აღმსარებელი | გამონათქვამები

ციტატები, ამონარიდები, გამონათქვამები

60. ცილისმწამებლის ბაგენი დაახშვე შენს ყურთასმენაში, რათა ორმაგად არ შესცოდო, მასთან ერთად: არ გახდე ამ დამღუპველი ვნების თანამონაწილე და მისადმი წინააღმდეგობის გაუწევლობით აუგად არ მოიხსენიო მოყვასი. ცილისმწამებლის ბაგენი დაახშვე შენს

59. ნუ უსმენ შენს მამაზე საყვედურის მთქმელს და ნურც მას წაახალისებ, ვინც მას შეურაცხყოფს; რათა შენი ნამოქმედარის გამო უფალი არ განგირისხდეს და არ აღგგავოს პირისაგან მიწისა. ნუ უსმენ შენს მამაზე საყვედურის მთქმელს და

58. ყურს ნუ მიაპყრობ მაწყევარის ენას, ნურც ავსიტყვაობის მოყვარულისას, სიამოვნებით რომ ამბობს ან ისმენს მოყვასის საწინააღმდეგო სიტყვას; რათა არ განეშორო ღვთის სიყვრულს და უცხო არ გახდე მარადიული ცხოვრებისათვის. ყურს ნუ მიაპყრობ მაწყევარის ენას, ნურც

57. თუ "რომელი ძვირსა იტყოდეს ძმისათვის და განიკითხავს ძმასა თვისსა, განიკითხავს ჰსჯულსა" (იაკ. 4,11), ქრისტეს სჯული კი არის სიყვარული (იოან. 13, 34), მაშინ განა მაწყევარი არ განეშორება ქრისტეს სიყვარულს და განა თავად არ ხდება საკუთარი მარადიული ტანჯვის მიზეზი? თუ რომელი ძვირსა იტყოდეს ძმისათვის და

56. თუ სიყვარული არის "აღმასრულებელი ჰსჯულისა" (1კორ. 13,10), მაშინ მოყვასის ძვირადმახსენებელი, მისთვის ბოროტების მზრახველი, მისი მაწყევარი და მისი დაცემით გახარებული, განა არ არის სჯულის დამრღვევი და განა არ იმსახურებს მარადიულ ტანჯვას? თუ სიყვარული არის აღმასრულებელი ჰსჯულისა

55. თუ სიყვარულმა "მოყვასსა თვისსა ბოროტი არა უყვის" (რომ. 13,10), მაშინ ძმის მოშურნე, მისი დიდებით დამწუხრებული, ანდა ბოროტი სიტყვით მისი სახელის შემბღალავი, მისი ბოროტად ცილისმწამებელი, განა არ ხდის თავის თავს სიყვარულისათვის უცხოსა და მარადიული სასჯელისათვის ბრალდებულს? თუ სიყვარულმა მოყვასსა თვისსა ბოროტი არა

54. თუ, ღვთაებრივი მოციქულის სიტყვებით, სიყვარულის გარეშე, სულიწმიდის ყველა სხვა მადლის მქონე, ვერნაირ სარგებელს მიიღებს, მაშინ რა გულმოდგინება გვმართებს, რათა სიყვარული მოვიპოვოთ (1 კორ. 13,3). თუ, ღვთაებრივი მოციქულის სიტყვებით

53. თუ ღვთის სიყვარულის დაკარგვა არ გინდა, მაშინ ძმაზე გამწყრალი ნუ დაიძინებ და ნურც მას დააძინებ შენზე ნაწყენს. "არამედ ჯერ შენი ძმა შემოირიგე, და მხოლოდ შემდეგ მიდი" (მათ.5,24) წმინდა სინდისით, და მიუძღვენი ქრისტეს სიყვარულის შესაწირავი ძილის წინა ლოცვებში. თუ ღვთის სიყვარულის დაკარგვა არ გინდა, მაშინ

52. დაბრკოლებათა ჟამს ნუ მიატოვებ შენს მონასტერს, არამედ ვაჟკაცურად დაითმინე გულისთქმათა, განსაკუთრებით მოწყინებისა და სევდის აღმძვრელთა ამბოხი, რამეთუ ამ გზით, განსაცდელთა მეშვეობით, კეთილგანზრახულად გამოცდილი, უფლის მტკიცე იმედს მოიპოვებ. თუკი დატოვებ მონასტერს, მაშინ გამოუცდელი, ლაჩარი და მერყევი იქნები. დაბრკოლებათა ჟამს ნუ მიატოვებ შენს მონასტერს

51. უგუნური, ვნებებს დამონებული, მრისხანებით ძლეული, აფორიაქების ჟამს ისწრაფვის, განუსჯელად გაიქცეს ძმათაგან. ხოლო, როცა ავხორცობა შეიპყრობს, მაშინ მონანული კვლავ ბრუნდება და მათთან საუბრობს. კეთილგონიერი კი ორსავე შემთხვევაში სხვაგვარად იქცევა. როცა გამწყრალია, აღკვეთს აღშფოთების მიზეზებს და თავისუფლდება ძმებზე წყრომისაგან, ავხორცობის მოძალებისას კი თავს იკავებს გულისთქმათა და უქმი მეტყველებისაგან. უგუნური, ვნებებს დამონებული, მრისხანებით

წმ. მაქსიმე აღმსარებელი | გამონათქვამები

1