სულიერი მდელო - ციტატები, გამონათქვამები

ახალგაზრდა ირიბი ხე ირიბად და უსახურად რჩება, თუ სინორჩეშივე არ გაასწორებენ. იგივე ითქმის ბავშვებზეც. თითოეულ მათგანში შეიმჩნევა თავნებობა და თავისებური ხასიათი. მათი ამ გამოვლინებების უყურადღებოდ დატოვება ნიშნავს იმას, რომ ჩვენთვის საყვარელი არსებანი მთელი ცხოვრების მანძილზე უბედურებისთვის გავწიროთ.

თემა: აღზრდა
წყარო: სულიერი მდელო

ყრმა, რომელშიც ცუდი მიდრეკილებები კარგზე მეტად ვითარდება, ჰგავს ჭიისგან გამოხრულ ნორჩ ხეს, რომელიც საკუთარ თავში ნგრევის საწყისს მალავს.

თემა: აღზრდა
წყარო: სულიერი მდელო

ბავშვებს უნდა მივუტევოთ ქარაფშუტობა და უყურადღებობა, და არა - ბოროტება და მზაკვრობა.

თემა: აღზრდა,  ბოროტება,  მზაკვრობა
წყარო: სულიერი მდელო

იმ ბავშვების გამო, რომელთა ტირილისაც მშობლებს მათი უსაქციელობის შემთხვევაშიც ეშინიათ, შემდგომში თვითონვე ხშირად უწევთ ტირილი.

თემა: აღზრდა
წყარო: სულიერი მდელო

უკეთესია, ბავშვი ტიროდეს მამის გამო და არა მამა - შვილის გამო

თემა: აღზრდა
წყარო: სულიერი მდელო

ისე აწყენინე სხვას, მითუმეტეს, შენს შვილებს, რომ შემდეგ მათ გაგახარონ (2 კორ. 2, 2; 7, 9).

თემა: აღზრდა
წყარო: სულიერი მდელო

მებაღე ნორჩ, ახლადდანერგულ ხეს მიწაში მყარად დამაგრებულ სარზე მიაბამს, რათა ქარმა არ ამოგლიჯოს იგი და ზედმეტ ამონაყარს აჭრის, რათა მათ ზიანი არ მიაყენონ და არ დააჭკნონ ნორჩი მცენარე. ასევე მოექეცით თქვენს შვილებს: მათი გულები ღვთის შიშით განამტკიცეთ, რათა საცდურისგან არ შეირყნენ; მოკვეთეთ მათში გაჩენილი საცდურები, რათა ისინი არ განმტკიცდნენ და არ მოკლან წმიდა ნათლისღებით დაბადებული შინაგანი ახალი ადამიანი

თემა: აღზრდა,  ღვთის შიში
ავტორი: წმ. იოანე ოქროპირი
წყარო: სულიერი მდელო

აღზრდისას არც ზედმეტი სირბილეა საჭირო, და არც სიმკაცრე - მხოლოდ გონიერებაა საჭირო.

თემა: აღზრდა,  გონება
წყარო: სულიერი მდელო

გაღიზიანებული მასწავლებელი კი არ ასწავლის, არამედ - აღიზიანებს

თემა: აღზრდა,  მრისხანება, გაღიზიანება, გულისწყრომა
წყარო: სულიერი მდელო

მშობლებო! "ნუ განარისხებთ შვილთა თქუენთა" (ეფეს. 6, 4), არამედ - გიყვარდეთ: სიყვარულის ხმას გული ყოველთვის ეხმიანება.

თემა: აღზრდა,  მრისხანება, გაღიზიანება, გულისწყრომა,  სიყვარული
წყარო: სულიერი მდელო