სულიერი სწავლებანი - წმინდა მარკოზ განშორებული - ციტატები, გამონათქვამები

47. ყოველგვარი სიკეთე ღვთის განგებულებით მოდის, ხოლო ფარულად მიდის უმადურებისაგან, უგუნურებისა და დაუდევრებისაგან

46. სჯობს ადამიანური შეცოდებები, ვიდრე სატანური. ღვთის სათნო ადამიანი ერთსაც ამარცხებს და მეორესაც

45. ვინც თავისი შეურაცხმყოფელებისთვის ლოცულობს, დემონებს ამარცხებს; ხოლო ვინც პირველებს ებრძვის, უკანასკნელთა მიერ მარცხდება

44. ვისაც ქრისტე სწამს მომავალ საზღაურთან მიმართებაში, რწმენის შესაბამისად გულმოდგინედ იტანს ყოველგვარ წყენას

42. მწუხარების საზღაურად ადამიანისთვის გამზადებულია კეთილი, პატივმოყვარეობისა და განცხრომისათვის - ბოროტი

41. აღასრულებ რა სათნოებას, გაიხსენე მთქმელი: "თვინიერ ჩემსა არარაი ძალ-გიც ყოფად არცა ერთი" (იოანე 15.5)

39. ნუღარ ამხელ მას, ვინც თავი დაანება ცოდვას და შეინანა. თუ ამბობ, რომ ღმერთის სახელით ამხილებ, მაშინ თავდაპირველად საკუთარი ცოდვები აღიარე

38. სხვაა ბოღმითა და შურისძიების წყურვილით მხილება, სხვაა - ღვთის შიშითა და ჭეშმარიტებით

37. ზოგიერთი თითქოს კეთილ საქმეს სჩადის და ამით მოყვასზე იძიებს შურს; ზოგიერთი კი ამას არ ჩაიდენს და გონებით სარგებელს პოვებს

36. ქების საბურველით განკითხვისა და გაკიცხვის დამფარველი ამოუცნობია მდაბიოთათვის. მისი მსგავსია თავმდაბლობით შენიღბული დიდებისმოყვარენიც, რომელნიც ჭეშმარიტებას სიცრუით დიდხანს ფარავდნენ და საბოლოოდ საქმეებით იქნენ თავისთავად მხილე... იხილეთ სრულად