სიყვარული ღვთისადმი - ციტატები, გამონათქვამები
სიყვარული ღვთისადმი - ციტატები, გამონათქვამები სიყვარული ღვთისადმი, გამონათქვამები
როგორც ბავშვს, ან გაუნათლებელ ადამიანს არ ესმის ის სიამოვნება, რასაც განიცდის განათლებული კაცი ღრმა სიბრძნისეული თხზულებების კითხვის ან ურთულესი მაგალითის ამოხსნისას, ასევე ბრძენთაბრძენ ფილოსოფოსს ან გამჭრიახ გენიოსს, რომლისთვისაც უცხოა მაცხოვნებელი სარწმუნოება, არ შეუძლია, თუნდაც ოდნავ მაინც წარმოიდგინოს ის სიხარული, რასაც ქრისტიანი განიცდის ქრისტესადმი სიყვარულისგან.
ნუ განეშორები ქრისტეს, არამედ უფრო შეუერთდი მას სიყვარულის უმტკიცესი ხუნდებით, თუ გსურს ბედნიერება და ნეტარება არა მხოლოდ მომავალ, არამედ - ამჟამინდელ ცხოვრებაში
ყველაზე დიდი ნეტარებაა, გიყვარდეს ქრისტე და იყო მისგან შეყვარებული
უნდა გიყვარდეს მშობელი, მაგრამ მას მაცხოვარი უნდა ამჯობინო (კლ. 9, 59, 60)
დაე, გქონდეს სიყვარული ადამიანებისადმი ქრისტეს გულისთვის, იესოსადმი კი თავად მის გამო
ქრისტემ შეგვიყვარა ჩვენ, უღირსნი: მაშ, ჩვენც შევიყვაროთ იგი, რომელიც ყოველგვარი სიყვარულის ღირსია
უხილავად იწამე ქრისტე, გიყვარდეს, გიხაროდეს და ნეტარი იქნები
ჩვენი სიყვარული - ქრისტეს ვნებებს, ჩვენი რწმენა მის აღდგომას, სასოება მის ამაღლებას ეფუძნება
სულში ღვთაებრივი სიყვარულის ასაგიზგიზებლად უკეთესი ხე არ არსებობს, ვიდრე ხის ჯვარი (მწუხარებისა).
მოწყალე უფალმა დედამიწაზე მოგვცა სულიწმიდა და სულიწმიდით განმტკციდა წმიდა ეკლესია. სულიწმიდამ გაგვიხსნა ჩვენ არა მარტო მიწიერი, არამედ ზეციურიც. სულიწმიდით ჩვენ შევიმეცნეთ უფლის სიყვარული. სიყვარული უფლისა მგზნებარეა. სიყვარულით გამსჭვალულმა წმიდა მოციქულებმა მთელი ქვეყნიერება მოიარეს; მათ სულებს სწყუროდათ რომ ყველა ადამიანს შეემეცნებინა უფალი.