ბერი ეფრემ ფილოთეველი (არიზონელი) - ციტატები, ამონარიდები

ქედმაღლობა ბოროტებათა შორის უდიდესი ბოროტებაა. ის ურჩი გულისსიტყვების მეშვეობით ყველა ჩვენი შეცდომის გამომწვევი მიზეზი ხდება.

სიმდაბლე საიმედო მეგზურია. იგი საშუალებას არ აძლევს თავმდაბალ ადამიანს, დაუდევრობის წყალქვეშა კლდეებზე დაიმსხვრეს, არამედ კარგი მეგზურივით უსაფრთხო გზას უჩვენებს მას.

გიყვარდეთ ერთმანეთი და ქედმაღლობის გამო თავს ნუ გაიმწარებთ.

შვილებო, განკითხვას მოერიდეთ. ის ძალიან დიდი ცოდვაა. როცა განვიკითხავთ და გვეზიზღება ადამიანები, ღმერთს ძალიან ვამწუხრებთ. მხოლოდ საკუთარ შეცდომებზე ვიზრუნოთ და ეს იყოს ჩვენი სატკივარი. თავი განვიკითხოთ და მაშინ ვპოვებთ ღვთის წყალ... იხილეთ სრულად

გიყვარდეთ, მოითმინეთ, სხვის შეცდომებზე თვალი დახუჭეთ, ნუ განრისხდებით, ნუ გაცეცხლდებით, შეუნდეთ ერთმანეთს, რომ ამით ქრისტეს მიემსგავსოთ და სასუფეველში მისი სიახლოვის ღირსნი გახდეთ.

განკითხვა ისეთივე მნიშვნელოვანი ცოდვაა, როგორც მოყვასის უძლურებების მოუთმენლობა.

ვინ არის სრულყოფილი? ვის შეუძლია დაიქადოს, რომ გული შეუბილწავად დაიცვა? მაშასადამე, ყველანი სნეულები ვართ და ვინც ძმას განიკითხავს, ვერ გრძნობს, რომ თვითონაც ავადაა, რადგან ავადმყოფი არასდროს განიკითხავს ავადმყოფს.

ერთმანეთის უძლურებანი უნდა მოითმინოთ.

იცოდეთ, რომ ვინც განიკითხავს, მას ამპარტავნება აცდუნებს და „ყოველმან, რომელმან აღიმაღლოს თავი თვისი, იგი დამდაბლდეს“ (ლუკ. 14, 11) უფლის მიერ, როცა განსაცდელში აღმოჩნდება.

ნუ განიკითხავთ ერთმანეთს, რადგან ამით სახარებისეულ მცნებას არღვევთ და „ყოველმან სჯულისა გარდამავალმან და ურჩმან მიიღოს სასჯელი კუალადგებისაი“ (ებრ. 2, 2). „შენ ვინ ხარ, რომელი განიკითხავ სხვისა მონასა?“ (რომ. 14, 4)