560. უნდა იქორწინოს თუ არა ქალმა, რომელსაც ქმარი მიატოვებს?
იხილეთ სრულად
ქმრისგან მიტოვებული ქალი, ჩემის აზრით, უქორწინებელი უნდა დარჩეს, რადგან უფალმა თქვა, რომ „ყოველმან რომელმან განუტეოს ცოლი თვისი თვინიერ სიტყვისა სიძვისა, მან ამრუშა იგი“ (მათ. 5.32), და რადგან მემრუშე ეწოდება მას, ამით დააბრკოლა იგი სხვასთან შეუღლებისაგან. რადგან, როგორ შეიძლება, რომ ქმარს დაედოს ცოლის მემრუშედ ქცევის ბრალი და ცოლს კი ბრალი არ დაედოს სხვა ქმართან შეუღლების გამო, თუ უფლისაგან მემრუშედ სახელდებულია.
link
426. როგორ უნდა მოვიქცეთ საცოლის არჩევისას?
იხილეთ სრულად
საცოლის არჩევისას სიმდიდრეს კი ნუ გამოეკიდებით, არამედ ზნეკეთილი, პატიოსანი და გონიერი ქალი ვეძიოთ. როცა ცოლის შერთვას აპირებ, ადამიანებს კი ნუ მიმართავ, ანდა იმ ქალებს, სხვისი უბედურებით რომ ვაჭრობენ და მხოლოდ იმას ფიქრობენ, როგორ მოიპოვონ გასამრჯელო, არამედ ღმერთს შეევედრე და ის იქნება შენი ქორწინების შემწე, რამეთუ მან აღგვითქვა: „ხოლო თქუენ ეძიებდით პირველად სასუფეველსა ღმერთისასა... და ესე ყოველი შეგეძინოს თქუენ“ (მათ. 6.33).
link
394. რისი სახეა ქალწულება ანუ უქორწინებლობა?
იხილეთ სრულად
ქალწულება (უქორწინებლობა) არის სახე ანგელოზთა ცხოვრებისა, ანუ განმასხვავებელი ნიშან-თვისება ყოველი უხორცო ბუნებისა. ამას რომ ვამბობთ, ამით ქორწინებას როდი ვგმობთ – ნუ იყოფინ!... მაგრამ იმასაც ვაღიარებთ, რომ ქალწულება (უქორწინებლობა) უმჯობესია კარგ და პატიოსან ქორწინებაზე. რადგან სათნოებათა შორისაც არსებობს უფრო მაღალი და დაბალი საფეხური.
link
347. ეთვლება თუ არა ქალს ცოდვად მშობლების თანხმობის გარეშე გათხოვება?
84. როგორ არიგებენ წმ. მამები დაქორწინების მსურველებს?
იხილეთ სრულად
ვინც ცოლის შერთვას აპირებს, ვურჩევ ნეტარ პავლეს მიმართოს. წაიკითხოს მისი კანონები ქორწინების შესახებ და წინასწარ შეიტყოს, რის აღსრულებას უბრძანებს კაცს... და თუ გიბრძანებს, რომ მემრუშე ცოლის გარდა ყველა სხვა ნაკლის მქონე უნდა გიყვარდეს და სახლში გესვას, მზად იყავი გადაიტანო ცოლის უკეთურება. და თუ ეს ძნელი და აუტანელია, მაშინ გაფრთხილდი და ყოველი ღონე იხმარე, რათა ზნეკეთილი, მშვიდი და მორჩილი ცოლი შეირთო. სხვა შემთხვევაში იცოდე, ორიდან ერთი უნდა ა...
link
თუ რომელიმე თქვენგანი იმყოფება ჯვარდაუწერელ ქორწინებაში, წრფელი ცრემლით შეინანეთ, რამეთუ ეს არის სიძვა. რა ასაკისაც არ უნდა იყოთ, შესთხოვეთ უფალს, განანათლოს თქვენი ქორწინება ეკლესიური საიდუმლოთი (ჯვრისწერით).
თუ ოჯახის შექმნა გინდა, იქორწინე, მხოლოდ იცოდე ყველა წესის დაცვით
ზეცათა სასუფეველი არც საჭმელია და არც სასმელი, არამედ სიმართლე, მშვიდობა და სიხარული სული წმიდის მიერ. ოღონდ ამაო არაფერი ისურვო, ღმერთის ბოძებული კი ყველაფერი კარგია: ქალწულებაც დიდებულია და მარხვაც საჭიროა სულიერ და ხორციელ მტერ...
იხილეთ სრულად
ზეცათა სასუფეველი არც საჭმელია და არც სასმელი, არამედ სიმართლე, მშვიდობა და სიხარული სული წმიდის მიერ. ოღონდ ამაო არაფერი ისურვო, ღმერთის ბოძებული კი ყველაფერი კარგია: ქალწულებაც დიდებულია და მარხვაც საჭიროა სულიერ და ხორციელ მტერთა საძლეველად; ასევე ქორწინებაც აკურთხა ღმერთმა, როდესაც თქვა: "აღორძინდით და განმრავლდით" (დაბ. 1,28). ეგაა, ეშმაკი ყველაფერს ურევს
link
