ბერი იოსები - ციტატები, ამონარიდები

პირველ ყოვლისა, ეშმაკი ცდილობს გონებაში ჩათესოს ეჭვი, უკუაგდე ეს ეჭვი, დაამსხვრიე ლოცვით.

თვითშემეცნებით ქრისტიანი სხვაზე ბრძენი ხდება: ერთდროულად მორჩილებასაც აღწევს და ღვთის მადლსაც იძენს.

გონება სულის მკვებავია, და ყველა სიკეთე და სიავე, რასაც ის ხედავს და ისმენს, გულში ჩაედინება, გული კი ცენტრია ადამიანის სულიერი და ხორციელი ძალებისა.

სიბნელის მეუფების დაძლევა დასაწყისშივე ხდება არა სიტკბოებით და ლხინით, არამედ ცრემლის ღვრით, სულიერი ტანჯვით, უკიდურესი თვინიერებით და უდიდესი მოთმინებით, და განუწყვეტლივ, მტკივნეული ლოცვა–ვედრებით.

წმინდა ლოცვისკენ მიმავალი გზა ვნებებთან ბრძოლით იწყება. ვიდრე ვნებები ბობოქრობენ, ლოცვაში წარმატებას ვერ მიაღწევ. მაგრამ ისინიც კი ვერ შეეწინააღმდეგებოდნენ ლოცვის მადლის მოსვლას, რომ არ ყოფილიყო უზრუნველობა და ცუდმედიდობა.

როცა ღვთის ნების გაგება გსურთ, აბსოლუტურად განერიდეთ საკუთარ თავს, ყველა გულისთქმას და აზრებს, და ლოცვაში დიდი მორჩილებით ითხოვეთ ჩაწვდეთ ღვთის ნებას. და რასაც გული გიკარნახებთ, შეასრულეთ და ეს იქნება ღვთის ნების განხორციელება. ვი... იხილეთ სრულად