სიამაყე - ციტატები, გამონათქვამები

თავმდაბალი ბევრს უყვარს, ამაყი და ქედმაღალი კი სძულთ მათაც კი, ვინც თვითონაც მათნაირნი არიან.

ამაყი, მაგრამ ამპარტავანი ადამაინები ჰგვანან ცარიელ ჭას, რომლებიც თავს სხვაზე მეტად აღიმაღლებენ.

დაცემისას ოხრავდე, წარმატების ჟამს კი ნუ გაამაყდები

გულში ნუ იამაყებ წმინდა წერილის წვდომით, რათა გონებით გმობაში არ ჩავარდე

უმჯობესია, თავმდაბლად აღიარო ცოდვები, ვიდრე ამაყად იქებდე თავს სათნოებებით.

პატივმოყვარეობა პატივცემულებს აამაყებს, დამცირებულებს კი - ავმეხსიერებად აქცევს.

როგორც ბედნიერება აამაყებს, ისე უბედურება ამდაბლებს და საკუთარი თავის შეცნობას უწყობს ხელს.

ადამიანებს სძულთ სიღატაკე, ღვთისთვის კი უფრო მეტად საძაგელია ამაყი სული და აღტაცებული გონება.

ვინც სიამაყეს სძლია, მან დაამარცხა შიში, სასოწარკვეთა და შეშლილობა, რომლებმაც მთელი სამყარო შეძრეს.

ამაყი, მაგრამ სულელი მდიდარი ქანდაკებას ჰგავს, რომელიც სხვა არაფერია, თუ არა - თიხის გროვა, ანდა - ხის ნაჭერი.