ციტატები, გამონათქვამები, ფრაზები ციტატები, გამონათქვამები, ფრაზები
წინამძღვრის სასჯელი განდევნის სიცრუეს, ხოლო ცრემლთა სიმრავლე სრულიად კლავს მას
სიცრუის მთქმელი კეთილ განზრახვას იმიზეზებს და მას, რაც სინამდვილეში სულის დამღუპველია, იგი მართალ საქმედ მიიჩნევს
ცრუ კაცი ცდილობს, რაბის მიმბაძველი გამოჩნდეს და ჰგონია, რომ თავისი წარწყმედით სხვებს იხსნის
ყრმამ არ იცის სიცრუე, არ იცის ის არც ცბიერებისგან განწმენდილმა სულმა
ღვინისაგან გამხიარულებული კაცი ძალაუნებურად სიმართლეს ამბობს, ასევე ლმობიერებით დამთვრალი ტყუილს ვერ იტყვის
ნაყროვანება არის სტომაქის თვალთმაქცობა, რადგან იგი, როცა მაძღარია, მოსთქვამს: "ცოტაა". გასკდომამდე ამოვსებული ყვირის - "მშია!"
ნაყროვანება სანოვაგის შემკრები და გემოთმოყვარების წყაროა
თუ ერთ სადინარს დაუხშობ მას, მეორედან გამოედინება, თუ მასაც დაუხშობ, კიდევ სხვა მხრიდან გადმოხეთქავს და გძლევს
ნაყროვანება თვალის ცდუნებაა, ზომას აგირევს, რადგან მუცელი ცოტას ითხოვს, მას კი ყველაფრის ერთად შთანთქმა სურს
სიმაძღრე სიძვის დედაა, მუცლის მოზღუდვა კი სიწმინდის მიზეზი
