წმ. მარკოზ მონაზონი (განშორებული) - ციტატები, გამონათქვამები

55. ცოდვილი ძნელად თუ შეინანებს გასაჭირის გარეშე, რადგანაც შეუძლებელია, ღვთის სამართალს დაემალო.

ღმერთში განზრახვის გარეშე არაფერი იფიქრო და არაფერი აკეთო, რამეთუ ამაოდ დაშვრება უგუნური მოგზაური.

გონებაში გაეხსენი მეუფეს : "რამეთუ კაცი პირსა ოდენ ხედავს, ხოლო ღმერთი გულთმეცნიერი არს" (1 მეფეთა 16.7)

ნუ გაბედავ ფარულად ჩადენილი ცოდვის დაფარვას, რადგანაც "ყოველივე შიშუელ და ქედდადრეკილ არს წინაშე თუალთა მისთა, რომლისათვის არს სიტყვაი ესე ჩვენი" (ებრ.4.13).

51. თუ არაფერში განიცდი უქონლობას, მიიღე (გამოგზავნილი) მწუხარება და როგორც ანგარიშგების მოვალემ, უარყავ ზედმეტობა.

50. უცოდინრობა გვაიძულებს, ვილაპარაკოთ სასარგებლოს წინააღმდეგ, კადნიერებაში გადასული კი - ბიწიერებას ამრავლებს

49. კაცთაგან ლანძღვა გულს მწუხარებით ავსებს, მაგრამ მომთმენთათვის ის სიწმინდის მიზეზია

48. ყოველგვარი ბიწიერება აკრძალული ტკბობით მთავრდება, ხოლო ყოველგვარი სათნოება - სულიერი ნუგეშით. როგორც დაგვეუფლება რა პირველი, მიგვიზიდავს მისივე მსგავსისკენ, მეორეს მივყავართ მისი მონათესავისკენ

47. ყოველგვარი სიკეთე ღვთის განგებულებით მოდის, ხოლო ფარულად მიდის უმადურებისაგან, უგუნურებისა და დაუდევრებისაგან

46. სჯობს ადამიანური შეცოდებები, ვიდრე სატანური. ღვთის სათნო ადამიანი ერთსაც ამარცხებს და მეორესაც