სულიერი მდელო - ციტატები, გამონათქვამები

ვნუგეშობთ და ვხარობთ, როცა მკურნალი კურნავს ჩვენს უძლურ სხეულს, თუმცა კი - მწარე წამლით და სასტიკი კურნებით. ვმადლობთ და სამაგიეროს მივაგებთ მას. მით უფრო უნდა გვიხაროდეს და გულით ვმადლობდეთ უფალს, როცა ჩვენს სულიერ უძლურებებს მწუხარებითა და განაცდელებით კურნავს.

თემა: განსაცდელები,  მწუხარება
წყარო: სულიერი მდელო

სულგრძელად გადაიტანე შენი მწუხარება: მაშინ თავად დაინახავ, რისთვისაც გამოგეგზავნა იგი (ფს. 72, 12-17).

თემა: მწუხარება,  სულგრძელება
წყარო: სულიერი მდელო

ავადმყოფი წამლის მიღებისას გრძნობს მის მწარე, უსიამოვნო გემოს, მაგრამ ვერ შეიგრძნობს მის მაკურნებელ თვისებებს; საკურნებელ მოწვისა და ჭრილობის დროს მხოლოდ ტკივილს და ფიზიკურ ტანჯვას განიცდის და მხოლოდ მერე, გამოჯანმრთელებისას იგრძნობს უსიამოვნო წამლის ძალას, გადატანილი მტანჯველი წვისა და ჭრილობის აუცილებლობასა და გადამრჩენელ ძალას. იგივე ითქმის სულიერი ავადმყოფობის შესახებაც.

თემა: განსაცდელები,  მწუხარება
წყარო: სულიერი მდელო

ბედურების შემდეგ მაინც თქვი, რისი თქმაც თავად უბედურების ჟამს ვერ შეძელი: "იყავნ სახელი უფლისა კურთხეულ ამიერითგან და უკუნისამდე".

თემა: უბედურება
წყარო: სულიერი მდელო

უბედურებამ ჩაიარა, მაგრამ არ უნდა ჩაიაროს მისმა მოგონებამ

თემა: უბედურება
წყარო: სულიერი მდელო

წარსული უბედურებების გახსენება ყოველთვის გვაძლევს საშუალებას, ვხედავდეთ დღევანდელ კეთილდღეობას.

თემა: კეთილდღეობა,  უბედურება
წყარო: სულიერი მდელო

იცოდე, რომ ყოველთვის ცოდვებისთვის არ ხდება უბედურების, მწუხარების დაშვება. ზოგჯერ კაცთმოყვარე ღმერთი, რომელსაც უყვარს თავისი მონა, განგებ აგდებს მას სატანჯველში, როგორც ოქროს ზოდს ცეცხლში, რათა გამოსცადოს იგი, როგორც ოქრო ქურაში. უფალი გცდით, ეუბნებოდა მოსე ისრაელს (მეორე სჯ. 13, 3).

თემა: მწუხარება,  უბედურება,  ღმერთი,  განსაცდელები
წყარო: სულიერი მდელო

ხშირად მართალნიც მიეცემიან უკეთურ ადამიანთა ხელთ, არა - უკეთურთა განსადიდებლად, არამედ - მართალთა გამოსაცდელად.

თემა: განსაცდელები
ავტორი: წმ. გრიგოლ ღვთისმეტყველი
წყარო: სულიერი მდელო

ოქრო ცეცხლით გამოიცდება, რწმენა კი - განსაცდელებით

თემა: განსაცდელები,  რწმენა
წყარო: სულიერი მდელო

მეომრის სიმამაცე ბრძოლაში გამოიცდება, ჩვენი რწმენის სიმტკიცე კი - განსაცდელებში.

თემა: განსაცდელები,  რწმენა
წყარო: სულიერი მდელო