იოსებ ათონელი (ისიხასტი) - ციტატები, ამონარიდები

ყველას, ვინც შინაგანად ლოცულობს და არ ინანიებს, ან ლოცვა შეუწყდება, ან თავად ჩავარდება ხიბლში

ყველას ასწავლე შინაგანი ლოცვა, რომგანუწყვეტლივ წარმოთქვამდნენ: "უფალო იესო ქრისტე, შემიწყალე მე". თავიდან ბაგითა და გონებით. შემდეგ გონებითა და გულით. და მალე იპოვნიან ცხოვრების გზას, სამოთხის კარს. თუმცა თვით ლოცვა, წადილით წარმო... იხილეთ სრულად

არ არსებობს ადგილი განსაცდელის გარეშე. და ადამიანმა იქ უნდა გაიმარჯვოს, სადაც მას ებრძვიან, რომ დაამწუხროს და შეარცხვინოს ეშმაკი, ღმერთს კი სიხარული და დიდება მიანიჭოს

ღვაწლი ბოლო დღემდე გრძელდება. და განსაცდელი - სადაც არ უნდა იყო, სადაც არ უნდა გაჩერდე - შენს გვერდითაა

ღვაწლისდამდებელი ქრისტე იმისთვის უშვებს ჩვენზე განსაცდელებს, რომ მტრებზე გავიმარჯვოთ, ვნებათაგან განვიწმინდოთ და სრულყოფილნი განხდეთ

ჯილდოს გარდა, რომელსაც მოთმინებისთვის იღებ, მრავალნაცადი ხდები. ადამიანებსაც ცნობ. თუ ქვა ქვას არ მოხვდა, ნაპერწკალი არ წარმოიქმნება, გამოუცდელი კაცი კი არაფრად ვარგა

გაოცების ღირსია, როგორ მიქრის, როგორ ტრიალებს ყველაფერი დროებითი, ყველაფერი ამაო ამ ცხოვრებისა. და ერთ წამში პირველნი უკანასკნელნი ხდებიან, უკანასკნელნი კი პირველნი

რამდენიც არ უნდა ვიცოცხლოთ, მოსვენება არ გვაქვს ამ ცხოვრებაში. იგი ტანჯვითაა მოზელილი. ყველაფერი ერთმანეთშია არეული და ნეტარია, ვისაც სიბრძნე ჰყოფნის, ყველაფრიდან სარგებელი პოვოს

ფილიპე მაკედონელმა, როგორც ისტორია გვიამბობს, როცა ერთდროულად სიხარულითა და პატივით აღსავსე სამი ამბავი მიუტანეს, თავისი უძვირფასესი ბეჭედი მოიხსნა და ზღვაში გადააგდო, რათა მოჭარბებული სიხარული ბეჭდის დაკარგვით გაენელებინა. "ისე რ... იხილეთ სრულად

ბევრი საქმე გარკვეულ დრომდე არ გამოდის ხოლმე იმიტომ, რომ ჯერ არ დამდგარა მისი ჟამი: ზოგი იმის გამო, რომ ადამიანები აბრკოლებენ, რადგან, როგორც წმინდანები ამბობენ, ადამიანს შეუძლია მრავალი წლით შეაყოვნოს ღმრთის ნების აღსრულება, ზოგი... იხილეთ სრულად