წმ. იოანე სინელი (კიბისაღმწერელი) - ციტატები, გამონათქვამები
წმ. იოანე სინელი (კიბისაღმწერელი) - ციტატები, გამონათქვამები წმ. იოანე სინელი (კიბისაღმწერელი) |
უმაქნისი მონაზონი მრავალმეტყველებაში გამოცდილი და გულმოდგინეა, ხოლო როდესაც კითხვის დრო მოახლოვდება, თვლემას თავს ვეღარ აღწევს.
გამოუცდელი მონაზონი საუბრის ჟამს მღვიძარეა, მაგრამ ლოცვისას თვალებს ძილი უმძიმებს.
მშრომელთა სიმდიდრე კალოსა და მარანში იკრიბება, ხოლო მონაზონთა სიმდიდრე და გულმოდგინება ღამის ლოცვაში და გონიერ ღვაწლში.
ჭარბი ძილი გულმავიწყობას იწვევს, მღვიძარება კი გონებას წმენდს. ჭარბი ძილი ბოროტი მეუღლეა, რადგან ზარმაცებს მათი ცხოვრების ნახევარს სტაცებს.
ტრაპეზის მზადება გამოსცდის ნაყროვანს, ღვთის მოყვარეს კი გამოსცდის ლოცვის ღვაწლი. როდესაც ნაყროვანი სუფრას ხედავს, მისკენ მირბის, ხოლო ლოცვისმოყვარე მისვლას აგვიანებს.
ღვთისმოყვარე მონაზონი ლოცვის ზარს რომ გაიგონებს, იტყვის: ვაშა, ვაშა, დიდება ღმერთს! ხოლო უქმი და ზარმაცი ამბობს - ვაიმე, ვაიმე, როგორ მეზარება!
მღვიძარე თვალი წმენდს გონებას, ხოლო ჭარბი ძილი გულს ასასტიკებს და გონებას აბნელებს.
ჰოი, საყვარელნო, დავარღვიოთ ის შუა კედელი, რომელიც ჩვენი ურჩობით ბოროტად აღვმართედ და ცოდვათა შენდობა მივიღოთ, რადგანაც " არა არს ლხინება" და არც სინანული ჯოჯოხეთში. ძმებო, დავტოვოთ ყოველგვარი მიზეზი, რადგან ჩვენ მათ შორის ვართ შე... იხილეთ სრულად
ვისწრაფოთ, ძმებო, გევედრებით, ვისწრაფოთ, რათა ამ სასახლის კარიბჭეში შესვლის ნება მოგვცენ, მაგრამ თუ ისე მოხდა, რომ ჩვენი ბოროტი ჩვეულებებისა და ცოდვების სიმძიმისაგან ამ სასახლესი შესვლის უფლებას მოვაკლდით, იმას მაინც ვეცადოთ, რომ ... იხილეთ სრულად
უვნებელობა ისე წარმოიდგინე, როგორც რომელიმე დიდი მეფის სასახლე, მასში მრავალი სავანეა, ხოლო გალავანი ამ ზეციური იერუსალიმისა ცოდვათა მიტევებაა.