ბერი იერონიმე - ციტატები, ამონარიდები

ბერ–მონაზვნური ცხოვრება მსხმოიარე ხეა, რომლის ფესვი სიყვარულია, ხოლო საზრდო – მონანიების ცრემლები.

როცა შენსა და ქრისტეს შორის სხვა პიროვნება ჩადგება, ვინც გინდა იყოს ის, გააგდე იმ წუთას, ის ატყვევებს შენს გონებას, არ უშვებს ღმერთთან.

დაუფიქრდით, როგორია თქვენი ყოველი დღე. თქვენი მომავალი მიანდეთ უფალს. უფალი გიშველით. რასაც უფალი მოისურვებს, ის მოხდება. ნუ ფიქრობთ მომავალზე, ნუ დაამძიმებთ გონებას მასზე ფიქრით. ღმერთი გიშველით.

ადამიანს ზიარების მიღების წინ წესით შიში, კრძალულობა და სინანული უნდა ჰქონდეს, ზიარების შემდეგ კი სიხარული და სიმშვიდე უნდა იგრძნოს, მაგრამ იმასაც უნდა განიცდიდეს, რომ მოუმზადებელია საიდუმლოსათვის.

თავს ნუ მიანებებ ლოცვას. უფრთხილდი დაუდევრობას და გულგრილობას. როცა დილით ლოცულობ და გრძნობ ლმობიერებას, მთელი დღე იფრენ, თითქოს ფრთები გამოგესხა. მაგრამ თუ დილას ლოცვის გარეშე იწყებ, ყველაფერი უკუღმა წაგივა.

მადლობას მოვახსენებ უფალს, რომ ავად გახდომის შესაძლებლობას მაძლევს. მაშინ ვიგონებ წამებულებს და მავიწყდება ჩემი ავადმყოფობა. ავადმყოფობა ღვთის საჩუქრად მიმაჩნია. ბევრმა ღმერთი შეიცნო გადატანილი ავადმყოფობის წყალობით.

გსურს ძლიერ გიყვარდეს ადამიანი? ძლიერ შეიყვარე ჩვენი ქრისტე და მაშინ დაინახავ, როგორ გიყვარს ადამიანები, თუნდაც ვერ ხედავდე მათ. ის სიყვარული, რომლის საფუძველი ჩვენი ქრისტეს სიყვარულია, ჭეშმარიტია და ძლიერი. ძლიერ შეიყვარე ჩვენი ქ... იხილეთ სრულად

როცა შენი გონება ღმერთშია, თუნდაც იწვე, შეგიძლია ილოცო. მაგრამ, თუ შენი გონება სხვაგანაა, თუნდაც მუხლმოყრით ილოცო, ლმობიერება არ მოვა შენთან და ლოცვაც ცივი იქნება, მაშინ შემსუბუქებას ვერ იგრძნობ და თავი აგტკივდება, ვინაიდან ლოცვამ... იხილეთ სრულად

ნუ დარდობ, რომ ოჯახს მოეკიდე. კარგია და უფრო მაღალი ბერ-მონაზვნობა, ვინაიდან ბერს ფრთები ასხია და ცისკენ მიფრინავს, დაოჯახებული კი მიწაზე დადის, ხმელეთზე. შესანიშნავია ცაში ყოფნა, მაგრამ სახიფათოა, ვინაიდან თუ ჩამოვარდი, ნაწილ-ნაწ... იხილეთ სრულად

ბევრი ილოცე, შექმენი ამისთვის შესაფერისი მყუდროება. თუ დილით საკმარისად ვერ ლოცულობ. ილოცე შუადღისას, ან – საღამოს. ლოცვისთვის ისეთი დრო შეარჩიე, რომ იყოს სიწყნარე. ილოცე, ვიდრე არ გაწვიმდება, ე.ი. ვიდრე ცრემლი არ მოგადგება. ბევრი... იხილეთ სრულად