წმ. ნიკოლოზ სერბი (ველიმიროვიჩი) - ციტატები, ამონარიდები

არ ხარ დიდი, თუ უფრო დიდისკენ არ მიილტვი

განიარაღებულ მტერს ნუ მოკლავ. ტყვეობაში მყოფი შემოსე და დააპურე. მშობლების ცოდვას შვილებს ნუ მოჰკითხავ. რწმენის შეცვლას ნუ აიძულებ. როცა ჯარისკაცი მწყობრში არ დგას, მის თავისუფლებას ნუ შეზღუდავ. ქალის პატიოსნებას ნუ შეურაცხყოფ - ე... იხილეთ სრულად

ორი ადამიანი არასდროს არ შეიძლება იყოს თანაბრად პასუხისმგებელი ერთსა და იმავე ცოდვაზე.

წელში მოხრილი ადამიანი ზეცას ვერ შეხედავს, იგი მიწას დასჩერებია

არ შეიძლება ითქვას, რომ მხოლოდ ერთ რამეს აქვს აზრი, ხოლო ყველაფერი დანარჩენი აზრს მოკლებულია. პირიქით, თუ აზრი არსებობს, მაშინ იგი ყველაფერშია: ადამიანში, საგნებში, მოვლენებში, ურთიერთდამოკიდებულებაში, მოძრაობაში, სიზმრებში, ერთი ... იხილეთ სრულად

სამყაროს ვერ ხედავს ის ადამიანი, რომელიც მასში მხოლოდ თეთრს ან შავს ამჩნევს.

ადამიანი ის არ არის, ვისაც სამარე დაიტევს, არამედ ის, ვისაც თვით სამყაროც ვერ იტევს.

ამ უსასრულო სამყაროში ადამიანი მინიატურაა, მაგრამ ის საკმაოდ ძლევამოსილია, რომ თავისი ქმედებებით ეს სამყარო შეცვალოს და გარდაქმნას.

სამყაროს სიდიადეს ადამიანი მხოლოდ მაშინ გააცნობიერებს, როცა ირწმუნებს, რომ ეს ქვეყანა სრულყოფილი სულის მიერაა შექმნილი.

ახლომხედველი მიიჩნევს, რომ სამყაროს საზღვრები მის თვალსაწიერს არ სცილდება. თვით მზე, რომლის სხივი ყველაზე მახვილ მზერასაც კი უკან მოიტოვებს, გონება რომ ჰქონდეს ასეთი განსჯისაგან თავს შეიკავებდა.