ბერი ეფრემ ფილოთეველი (არიზონელი) - ციტატები, გამონათქვამები

უფალი თითოეულის გაღვიძებას ელოდება, რომ სამუშაო მისცეს!

ნეტარია ის, ვინც თავს აიძულებს და თავიდან დაიწყებს!

აი, როგორი ფასი აქვს ამ ცხოვრების თითოეულ წუთს!

ჩვენი მონაზვნური ცხოვრების განმავლობაში სიკვდილზე ფიქრი საერთოდ არ უნდა გაგვისხლტეს.

ისეთები, როგორებიც ვართ, ქრისტეს წინაშე ვერ წარვდგებით!

დაე, გულწრფელად მოვინანიოთ. დაე, გულახდილად და დაწვრილებით ვაღიაროთ ცოდვები. დაე, გონება მუდმივად ღვთის სამსჯავროსა და მის განაჩენზე ფიქრით იყოს დაკავებული.

სიკვდილი გახსოვდეს, რათა შენი გული შეიმუსროს და გლოვა, ლმობიერება' და ცრემლი იშვას. ასე დაისადგურებს სულში სიმშვიდე და ის სულ სხვა, ნეტარ სამყაროში აღმოჩნდება!

მხნეობასა და მოთმინებას ნურასოდეს დაკარგავ!

ღმერთი ყველაფერს ჩვენი სიყვარულის გამო უშვებს

ბოროტი გულისსიტყვა იესოს ლოცვით განაგდე!