ბერი ეფრემ ფილოთეველი (არიზონელი) - ციტატები, გამონათქვამები

ჩვენი სული რომ გვიყვარდეს სულიერი თვალსაზრისით

ღმერთს ვუყვარვართ და უნებური ტკივილებით ცდილობს თავისი სრულყოფილი სიკეთის ზიარების ღირსი გაგვხადოს.

სასუფევლის ღირსი ის გახდება, ვინც ბოლომდე მოითმენს

ღვთის სული მათში მკვიდრობს, ვინც განსაცდელს მოთმინებით ხვდება და სიბრძნითა და გულისხმისყოფით იტანს. მათში კი, ვინც შვებითა და კეთილდღეობით, გასაჭირისა და გამოცდის გარეშე ცხოვრობს, ეშმაკის სულია ჩაბუდებული.

რამდენი უბედურება დაითმინა წმინდა სვინკლიტიკიამ, რამაც ის წმინდანად აქცია და განადიდა.

ღმერთი, განსაცდელის შესაბამის, მხოლოდ მოთმინებას კი არ გვაძლევს, არამედ ნუგეშსაც, როცა ადამიანი განსაცდელს სიბრძნით, სიკეთითა და სიწრფელით ითმენს.

განსაცდელი გვეძლევა ძვირფასი მოთმინების შესაძენად

მივიღე შენი წერილი და ვნახე, რომ შენი ჯანმრთელობა ოდნავაც არ გაუმჯობესებულა. თუმცა განსაცდელი, რომელსაც მოთმინებით იტან, მიუთითებს, რომ სულიერად ჯანმრთელი ხარ.

განსაცდელს ჩვენდამი უსაზღვრო სიყვარულის გამო გვიგზავნის

ტკივილი სულს კურნავს და განწმენდს