წმიდა წერილის სწორად გაგება შეუძლიათ მხოლოდ გულით სუფთა ადამიანებს. ისინი გულისხმაჰყოფენ ღვთის ნებასა და განზრახვას; ხოლო ვნებებისაგან განუწმენდავი გულის ადამიანებს წმიდა წერილის კითხვა დაბრკოლების ლოდად ექცევათ. ამიტომ უნდა ვიკითხოთ წმიდა მამათა თხზულებები, სადაც ისინი წმიდა წერილს განმარტავენ.
იმისთვის, რომ კითხვა სასარგებლო იყოს, საჭიროა, პირველი: კითხვის წინ მოუხმოთ სულიწმიდის მადლს; მეორე: ვიკითხოთ აუჩქარებლად, რამდენჯერმე გავიმეოროთ ის, რაც ვერ გავიგეთ; მესამე: არ ვეცადოთ, რომ რაც შეიძლება ბევრი წავიკითხოთ; მეოთხე: ფრთხილად მოვეკიდოთ ერთმანეთისაგან განსხვავებული წიგნების კითხვას.
რა განსაკუთრებული სულიერი სარგებელი მოაქვს წმიდა წიგნების კითხვას?
იხილეთ სრულად
წმიდა წიგნები ამხელს ყველა ჩვენგანის სინდისს, მიუთითებს და ამოძირკვავს ვნებებს, აშიშვლებს ეშმაკის ბადეებს, გვასწავლის სათნოებას, განგვამტკიცებს მოთმინებასა და მწუხარებაში, გვახსენებს სიკვდილის საათს, გვაუწყებს ქრისტეს მოსვლასა და ცათა სასუფეველს, გვახსენებს მარადიულ ტანჯვას.
ყოველთვის უნდა ვინარჩუნებდეთ მშვიდობას მოყვასთან?
იხილეთ სრულად
მშვიდობა ყოველთვის იმას როდი ნიშნავს, რომ ჩვენ დავთანხმდეთ მათ ბოროტ აზრებს, ზრახვებსა თუ საქციელს. ასეთი თანხმობა დიდი ცოდვა იქნებოდა; პირიქით, ბიწიერ ადამიანთა ბოროტ აზრებთან და განზრახულობებთან არ დათანხმება ქრისტიანის აუცილებელი ვალია.
გსურს, პირჯვარი გადაიწერო, მაგალითად, მატარებლის დაძვრამდე, მაგიდასთან სადილად დაჯდომამდე, მაგრამ გეშინია დაცინვის და თვითონვე ხსნი მაცხოვრის სიტყვებით: ვისაც ჩემი შერცხვება მას მეც ვარცხვენ. გარდა ამისა, განა არ იცი, რომ ორი ბატონის სამსახური არ შეიძლება - წუთისოფლისა და ღვთისა. მეტიც, ვისაც სურს, იყოს წუთისოფლის მეგობარი, ის უფლის მტერია. სიტყვა წუთისოფელში იგულისხმება მიწიერი წესები, რომლებიც შეუთანხმებელია რელიგიურთან. ამაში არ უნდა მივბაძოთ ...
ქრისტიანმა არ უნდა დამალოს სიმართლე იმათ წინაშე, ვინც დამნაშავეს ეძებს; მშობლების წინაშე, რომლებიც ცდილობენ შვილის გამოსწორებას; მოძღვრის წინაშე აღსარების დროს; მეგობართან, რომელიც თავის სულს გვიხსნის და ა. შ... ქრისტიანი აგრეთვე არ უნდა გაუჩუმდეს საშიშროებას, მაგალითად სიკვდილისას, როდესაც საქმე ისე მიდის, რომ უიმედო ავადმყოფი აღსარებით და წმიდა ზიარებით მარადისობისათვის უნდა მოვამზადოთ
როდის უნდა დუმდეს ქრისტიანი ჭეშმარიტებაზე?
იხილეთ სრულად
ქრისტიანი ჭეშმარიტებაზე უნდა დუმდეს იმ ხალხის წინაშე, რომლებსაც შეუძლიათ ბოროტად გამოიყენონ მისი საუბარი. ქრისტიანი ჭეშმარიტებას არ უნდა ახსენებდეს ჩასაფრებულ, შურისმაძიებელ მოწინააღმდეგეთა წინაშე, რათა მათ ამით არ ისარგებლონ და არ უმტრონ მოყვასს. ქრისტიანი უნდა დუმდეს აგარეთვე არასერიოზულ ადამიანებთანაც, რომლებიც მზად არიან გაგონილი ჭეშემარიტება, თუნდა ძალიან მნიშვნელოვანიც, განიხილონ ყოველი შემთხვევისთვის. საერთოდ, ქრისტიანმა თავის ლაპარაკით არ...
შეიძლება იყოს ცხოვრებაში ისეთი შემთხვევები, როდესაც შეურაცხყოფა და სიძულვილი ქების ტოლფასია?
იხილეთ სრულად
დიახ, ცხოვრებაში არის ისეთი შემთხვევები, როდესაც ქრისტეს მტრების მხრიდან ლანძღვა-გინება და სიძულვილი ღვთის მონებისთვის ყველაზე აღმატებული ქებაა. ნუ გრცხვენია იმის აღიარება, რომ მართლმადიდებელი მორწმუნე და ეკლესიური ხარ, ნუ სდევ წუთისოფლის მირაჟს და დამყაყებულ დიდებას, ნუ ესწრაფი თანამედროვე განათლებული ადამიანის სახელის მოხვეჭას, ნუ შეგეშინდება ყველაგან და ყოველთვის ეკლესიის დაცვა.
