წმ. იოანე ოქროპირი - ციტატები, გამონათქვამები

როდესაც ღვთისაგან წყალობა გვსრუს, ჯერ უნდა ვაჩვენოთ, რომ ამ წყალობის ღირსნი ვართ.

როგორც ღრუბლებიდან ელვა გამობრწყინდება, ასევე ლოცვიდან – ჭეშმარიტებისა და გონიერების ნათელი.

ასეთია ქრისტიანობა: იგი მონობაშიც მოგვიპოვებს თავისუფლებას!

ყველა ის სიკეთე, რომლებითაც ადამიანი ამქვეყნად დასტკბება, მხოლოდ მცირე წვეთებია ულევი წყაროს სიხარულთან შედარებით, რითაც ნეტარნი განიხარებენ და დასტკბებიან ცათა შინა.

უბედურზე უბედურია ის, ვინც მომავალ საუკუნო ნეტარებას ცათა შინა მსხვერპლად გაიღებს აწინდელი წუთიერი ქვეყნიური ცხოვრებისათვის.

რა ზომითაც მზის სხივია აღმატებული კანდელისაზე, იმ ზომითვე და გაცილებით უფრო მეტადაც, მომავალი ცხოვრებაა აწინდელზე უმჯობესი.

აწინდელ, ქვეყნიურ დიდებასა და მომავალ, ზიციურ დიდებას შორის ისეთივე განსხვავებაა, როგორიც სიზმარსა და ცხადს შორის.

შეუძლებელია ერთდროულად გიყვარდეს ვერცხლიცა და სულიც

როგორც შეუძლებელია ოდესმე ზღვა იყოს ტალღების გარეშე, ასევე ვერცხლისმოყვარე ადამიანის გულს არ შეუძლია დარდის, ურვის, შიშისა და ტანჯვის გარეშე ყოფნა.

ლითონის ხმა, რომელიც ვერცხლისმოყვარის ყურებს ავსებს, მადლის ხმისთვის აყრუებს მათ.