წმ. ნიკოლოზ სერბი (ველიმიროვიჩი) - ციტატები, ამონარიდები

ადამიანს შესაძლოა მოეჩვენოს, რომ ურწმუნო მართებულ გზას ადგას, მას თითქოს ყველაფერი იოლად გამოსდის, უფრო და უფრო შეძლებული ხდება, მაგრამ ვინ უწყის მისი გზის დასასრული

ვინც ღვთისადმი რწმენას კარგავს, სანაცვლოდ უგუნურებას მოიმკის. უგუნურია ადამიანი, ვინც თავის თავს ქრისტიანად მიიჩნევს და ამ დროს უფლისა და სიცოცხლის უკვდავების მტკიცებულებას სხვადასხვა რელიგიასა და ფილოსოფიაში ეძიებს. ვინც ოქრო მდი... იხილეთ სრულად

ვიდრე ადამიანის სული ღვთისმგმობელი აზრებით, გრძნობებითა და სურვილებითაა მოცული, მას არ შესწევს უნარი, მოისმინოს და მიიღოს ღვთის სიტყვა. უფრო მეტიც, ურწმუნო ადამიანი ყოველნაირად ცდილობს აღმოფხვრას რწმენა იმათგანაც, ვისაც ის აქვს.

ვინც ბუნებით ურწმუნოა და სურს გაიგოს, რას ნიშნავს იყო მორწმუნე, მისთვის უმჯობესია, რომელიმე რელიგიური მოღვაწის სულიერ დრამას გაეცნოს და შეძლებისდაგვარად განიცადოს იგი.

ცვალებადია ადამიანის გული. სამარცხვინოა, როდესაც მორწმუნე ადამიანი სარწმუნოებას კარგავს და რაოდენ სიხარულის მომგვრელია, როდესაც ურწმუნო ეზიარება რწმენას და მასში განმტკიცდება.

ქრისტიანულ სარწმუნოებას არ ესათნოება ადამიანი ისეთი, როგორიც ის არის, ანუ ძველი ადამიანი. იგი ახალი ადამიანის, ღმერთკაცის შობის მაუწყებელია, ამაში იგი ადამიანს შეეწევა, მაგრამ ეს ადამიანის ძალისხმევის გარეშე არ ხდება.

რწმენა ჩვენგან გულის განახლებას და სულის აღორძინებას მუდმივად მოითხოვს. ყოველ საღამოს საკუთარ თავს კითხვა დავუსვათ - ხარ თუ არა დღეს უკეთესი, ვიდრე გუშინ იყავი?

მთელი არსებით დაიმარხე რწმენა და დაელოდე დროს, როცა რწმენა სიყვარულს აღმოაცენებს. თუ სიყვარული განელდა, ბევრს დაკარგავ, თუ დაკარგავ რწმენას, ყველაფერს კარგავ.

უფლისადმი ჩემი რწმენა არ მიშლის ვეზიარო ჭეშმარიტ მეცნიერებას. პროგრესული მეცნიერება ჭეშმარიტ სარწმუნოებასთან სრულ ჰარმონიაშია. საუკეთესონი არასოდეს დავობენ, მათ ერთმანეთის ესმით და ერთმანეთი უყვართ, მდაბიონი კი მუდამ ერთმანეთს ეკა... იხილეთ სრულად

სარწმუნოებას მეცნიერებისათვის სულის შთაბერვა ძალუძს, ხოლო მეცნიერებას თავისი ძალისხმევით შეუძლია განამტკიცოს სარწმუნოება.